Beşdaranê Baska Wanî ya Rayraşîyayîşê Azadîye yê Pîlî ra Ahmet Pekbayî û Ramazan Demîrî derheqê rayraşîyayîşî de ANFyî rê qisey kerd.

Ahmet Pekbayî vat: ''Heta ke tecrîdê vera Rayberê ma biqedo ma qerardar ê ke çalakîyan bikerê. Ma seba Rayberê xo seferberîye îlan kerda. Ganî ma tewrê na seferberîye bibê. Rayberê ma 25 serrî yo zîndan de yo û hîrê serrî yo qetî tira xeberêke nêna girewtene. Ganî ma azadîya Rayberê xo bîyarê ca.''

Ramazan Demîrî zî dîyar kerd ke rixmê zor û zehmetîyan zî ê Rayraşîyayîşê Azadîye yê Pîlî rê dewam kenê û vat: ''Rayberê Şarê Kurdî ser de tecrîdêko giran est o. Armancê ma şiknayîşê nê tecrîdî yo. Embazê ma hetêkî ra zîndanan de seba azadîya Rayberîye grevê vêşanîye de yê. Azadîya Rayberîye azadîya pêro komelî ya. Seba caardişê azadîye ganî ma kilîdê Zîndanê Îmraliyî bişiknê.''