Hemvervatoxanê Komîsyonê Ziwan û Kulturî yê DEM Partî Cemîle Turhalli û Heval Dilbihar eşkerayîyêke daye.

Eşkerayîye de ame parekerdene ke kurdkî estbîyayîş, xobîyayîş, nasname û erjê neteweya kurdan o. Hemvervatoxan îfade kerd ke dewleta tirke se serran o kena ke kurdkî çin bikera la kurdî bi înadî nêverdenê ke kurdkî çin biba.

Hemvervatoxan vat: ''Sey DEM Partî seba pawitiş û averberdişê ziwanê kurdkî tewirê ma zelal o. Ma sey DEM Partî serbestî û azadîya kurdkî wazenê û seba ney têkoşîn kenê. No seba ma xetêka sûr a. Ma nê esasî ser o perwerdeyê bi ziwanê kurdkî wazenê. Ganî verdibistanan ra heta zanîngehan kurdkî biba ziwano serbest û azad. Ganî ziwanê kurdkî bibo wayîrê statuyêkê fermîyî. Seba ney zî çi hewce yo ganî bêro kerdene.

Ganî şarê kurdî, dormeyê şorişgêr, demokrat û azadîgîrî, pêro rêxistin û dezgehî, cinî û ciwanî, nuştox, hunermend û roşnvîrî wayîrê ziwanê kurdî vejîyê. Ma her cade bi xurtî wayîrê ziwanê xo vejîyê, kurdkî bimusê û bimusnê.''