Mahmut Çoksuno ke Zîndanê Wanî de gardîyanîye keno pê çeka dewlete domano 16 serre birîndar kerd.

Wan de vizêr saetanê şanî de domano bi nameyê Muhammed Demîr Kayaalpî gama ke pîya bi emzanê xo Kalecîk TOKÎ de kay kaykerdêne gardîyan Mahmut Çoksuyî o tehdît kerd ke tîya kay nêkero. Dimara zî bîlaheq doman kişt û guleyêk kerd destê Muhammedî û tira vat ''hendê nê guleyî ganê to esto, bibe biaqil'' û pê çeke da milê ey ro. Nayî ser şarê dormeyî ame pêser. Çoksunî çeke dart darte Muhammedî û o linga ci ra birîndar kerd. Muhammed nêweşxaneyî rê ame wedartene. Pîyê Muhhamedî Oktay Kayaalpî gerreyê gardîyanî kerd.