Merkezê îrtîbatî û Çapeneyî yê HPGyî  nasnameyê gerîlayêkî eşkera kerd û nê pare kerdî:

''Dewleta tirke ya îşxalkera ke Garê de derbê  pîlî werdî pê hêrişanê hewayî kena ke vînîkerdişê xo yê tarîxî bido vîrakerdene. La ê se kenê wa bikerê vera xoverdayîşê gerîlayan do tim vînî bikerê.

Artêşa tirke ya îşxalkere 4ê nîsane de hêrişê Herêmanê Pawitişî yê Medya kerd. Detayê nê hêrişan wina yê:

Saete 10:50 warê Golka yê Metîna, saete 11:20 de warê Cilo Qicî yê herêma Zapî pê teyaranê şerî ameyî bombardumankerdene.

Eynî roje saetanê şewe de zî erazîya dewa Zêvkê ya warê Bergarê ya Garê ame bombardumankerdene. Nê hêrişî de embazê ma Andok Oremar şehîd bi.

Nasnameyê embazê ma yê şehîdî wina yo:

Nameyê Qodî: Andok Oremar

Name û Peyname: Bariş Saydan

Cayê Bîyayîşî: Colemêrg

Maye-Pî: Asya-Mehmet Selîm

Tarîx û Cayê Şehadetî: 4ê Nîsana 2021î /Garê

Embazê ma Andok keyeyêko welatperwer yê qezaya Geverî ya Colemêrgî de ameyo dinya û sey şarê Geverî pê kulturê xoverdayoxî bi pîl. Hemrayê ma  Andok eslê xo de Oremarij o û çalakîya destankî ya Oremarî zî ey ser zaf tesîr kerd. Embazê ma Andokî  tim xeyalê gerîlatîya koyanê azadan kerdêne û hema serranê xo yê qijan de tewrê sefanê gerîlayan bi û heme wezîfeyê xo biserkewtiş ardî ca. Hemrayê ma Andok tewr peynî hela ke Garê de serê wezîfeyê xo de bi bombarduman de şehîd bi.

Hemrayê ma Andoko ke rêça şehîdanê ma yê ke destanê sekewtişî yê Garê nuşt de beyraqa mucadeleyî berz kerd bi tewir û tewrbîyayîşê xo do sey meşaleyêkî tim do mucadeleyê ma roşn bikero. Ma reyna sozê caardişê waştişanê şehîdanê xo danê. Ma sere de keyeyê erjîyayeyî  yê embazê ma yê şehîdî, şarê Oremar û heme şarê welatperwerî yê Kurdîstanî serweşîye wazenê.''