Gerîlayê HPGyî Gelhat Gabarî derheqê xoverdayîşê gerîlayan de ANFyî rê qisey kerd.

Gabarî bale ante tecrîdê Îmraliyî ser û vat: ''Rayber Apoyî ra wextêkê dergî ra nata xebere nêna girewtene. Dişmenî tecrîdê Îmraliyî giranêr kerd. La gerîlayan bi xoverdayîşê xo yê 2023yî cewabê tecrîdî da.

Dewleta tirke her ca de hêrişê şarê ma kena. Dewleta qirkere wina propaganda kena ke qaşo xoverdayîşê gerîlayan teng kerdo. Her kes zaneno ke dişmen ho xapîneno. Gerîlayî do bi rayîr û metodanê neweyan hêrişanê dişmenî çin bikerê. Leşkerê tirkî mîyanê tersî de yê. Ma teknîkê înan zî şikna. Se beno wa bibo gerîlayî do hertim xo ver bidê û nêverdê ke dişmen koyanê Kurdîstanî de bimano. Wa dewleta tirke bizana ke ma do qetî teslîmê ci nêbê.''