Gerîlayanê YJA Starî û HPGyî bi wesîleya rojbîyayîşê 75. yê Rayberê Şarê Kurdî Abdullah Ocalanî ANFyî rê qisey kerd.

Gerîlaya YJA Starî Peymane Botan rojbîyayîşê Rayberê Şarê Kurdî Abdullah Ocalanî sey rojbîyayîşê şarêkî hesipna û nê vatî:  ''Rojbîyayîşê Rayber Apoyî semedê ma  rojêka bimbarek û bimana ya. Ma bi hêzê ke heskerdişê Rayberîye ra genê, koyan de têkoşîn kenê. Qet yew hêz nêeşkeno ma Rayberîya ma ra raqilno. Bi îdeolojîya Rayberîye û keda hemrayanê ma yê şehîdan cinîyî bîyî hêzêko pîl. Felsefeya cuye ya Rayberîya ma Jin, jiyan azadî ewro heme dinya ra vila bîya. Cinîyî hinî semedê heq û azadîya xo vejîyenê kuçeyan. Cinîyî koyan de vera heme zehmetîyan şer kenê, destanan nusenê. No hêzê felsefeya Rayber Apoyî yo.''

Gerîlaya YJA Starî Nudeme Çîya zî bale ante muhîmîya rojbîyayîşê Rayberê Şarê Kurdî Abdullah Ocalanî ser û nê vatî: ''Na roje semedê ma  roja newerabîyayîşî ya. Bi felsefeya Rayberîya ma şar û cinîyan ê kurdan semedê heqanê xo  dest pê şerî kerd. Bi felsefeya Rayberîye şarê kurdî aver şi, semedê kultur, huner û ziwanê xo cesaret kerd ke şer bikero. Bi îdeolojîya Rayberîya ma her ganî îmkanê ciwîyayîşî vîneno. Wext wextê azadîya fîzîkîye ya Rayberîya ma yo. Wextê azadbîyayîşê şarê kurdî yo. Eke şarê ma û gerîlayî pîya têkoşîn bikerê, artêşa tirke mecbûr manena ke peyser bierze.''

Gerîlayê HPGyî Ares Ronahî zî nê vatî: ''4ê nîsane newera şînbîyayîşê hêvî yo, newera destgirewtişê tarîxî yo. Rojbîyayîşê Rayberîya ma hêvîya heme şaranê bindestan û heme merdimanê ke cuya azade wazenê ya. 4ê nîsane semedê ma mîlad o. Rayber Apoyî komelê kurdan o ke nasnameyê xo ra kewtbi dûrî newera resnaya eslê ci. Gerîlayan bi operasyonanê şorişgêran serkewtişê pîlî fînayî dest û şarê ma zî Newroze de wayîrê nê serkewtişî vejîya. Şar çimeyê moralê gerîlayan o, çimeyê moralê şarî zî gerîla yo.''