Serkêşîya YJA Starî de Herêmanê Pawitişî yê Medya de xoverdayîş dewam keno. Şervana YJA Starî Zelale Cizîra ke nê xoverdayîşî de ca gena derheqê rewşa peyêne ya şerî de qisey kerd.

Zelale Cizîr ard ziwan ke Avaşîn de  şero giran ciwîyeno û gerîlayê YJA Starî tîya rol û mîsyono muhîmî genê xo ser û nê vatî: ''Vera hêrişê dişmenî yê bêmabênî, ma zî şer û xoverdayîş de cayê xo girewt.  Şer senî giran beno wa bibo xoverdayîşê ma do ser bikewo. Ma sey cinîyan rol û mîsyonê xo zanê. Ma xeta embaze Bêrîtane de rayra şinê. Ewro bi hezaran Bêrîtanî vera xeta îxanetî têkoşîn kenê.  Artêşa cinîyan xeyrê hemrayanê ma yê fedayîyan heta na merhale ameye.

Ewro Avaşîn, Zap  û Metîna de xeylêk waranê Kurdîstanî de xoverdayîş yeno rayraberdene. Gerîlayê cinîyî zî vera dişmenî çalakîyanê bitesîran kenê. Ma hêzdar hemverê dişmenî de vindenê. Ma no hêz Rayber Apoyî ra girewt. Gerîlayî bi îradeyê xo hêzê teknîkê dişmenî betal kenê. Ma do semedê azadîya Kurdîstan û Rayber Apoyî heta dalpaya peyên a gonîya xo têkoşîn bikerê û vera dişmenî ser bikewê.