Dewleta tirke 16ê hezîrane de bi nameyê Operasyonê 'Pençe-Kaplan /Pence- Piling' hêrişê îşxalî da destpêkerdene. Gerîlayanê YJA Starî ra Rûkene Dilgeş derheqê şerê herêma Xantûrî de qisey kerd.

Runkena ke wexto ke hêrişê îşxalî dest pêkerd herêma Xanûrî de bî Başûrê Kurdîstanî ra tewrê YJA Starî bîya. Rûkene ard ziwan ke dewleta tirke nika goreyê verî zafêr bombardumanan kena û vat: ''Ê bina gerîla û şarî cîya nêkenê û warê sivîlan ser o bombayan varnenê.

Xoverdayîşê gerîlayan ra leşkerî nêeşkenê aver şirê

Xantûr de 16ê hezîrane de bombardûman dest pêkerd. Rojêke de 50 rey da piro. Rixmê name vînîbîyayeyê ma çînê bî. Dişmenî bi xo çapemenîya xo de vat 'rixmo ke ma zaf bomarduman kerd reyna zî nê terorîstî ça ra vejîyenê ma fehm nêkenê.' Di rojanê verînan de bi koprayan ameyî û leşkerî xo cakerdî.Ma hîrê rey da piro. Dima ra herême ser o bombayî varnayî hema leşkerî koyanê berzan de nayî ro. Hema zî ma destûr nêdo ke gamêke aver şirê. Ma hema pêkewişan de yê, ma do destûr înan medê.

Dewleta tirke meyîtanê qoricîyan erdî de verdena

Hela ke pêkewtişan de ma şinê meyîtanê înan ser, ma vînenê ke zafê înan ê qoricîyan ê. Dewleta tirke nêna înan nêgena, meyîtê înan erdî de verdana. Rixmê naye ê vera ma şer kenê.''