Gerîlaya YJA Starî Zîlane  Roj çarçeweya aktîvîteyanê pîrozkerdişê serrgêra Hemleya 15ê Tebaxe de ANFyî rê qisey kerd.

Zîlane Roj ard ziwan ke Hemleya 15ê Tebaxe beşa tewr mumîme ya têkoşînê tarîxkî yê kurdan ra yew a  û  sey roja ganîbîyayîşî ya kurdan yena pîrozkedene . Roje vat, ''Ez Hemleya 15ê Tebaxe  Rayber Apo heme şehîdanê şorişî û şarê ma rê rê pîroz kena.''

Roje Hemleya 15ê Tebaxe sey mîladê yewîya kurdan hesibna û nê vatî: ''Hemleya şoirşgêra ke serkêşîya embaz Egîd (Mahsum Korkmaz) de ameye destpêkerdene , guleyo verêno ke Dihê de teqa, bingeyê yewîya şarê kurdî û şaranê bînan hazir kerd. No waştişê yewîya şarê kurdî, şarê erebî û şaranê dinya bi zî. 15ê  Tebaxe ganîbîyayîşê şaran o. Ma nê tarîxî sey newe ra afirnayîş û ganîbîyayîşê kurdan genê dest. Têkoşîno ke serkêşîya embaz Egîdî de ame destpêkerdene bi hêzdarbîyayîşî dewam keno.Têkoşînê şarê kurdî ewro heme dinya ra vila bîyo. Rixmo ke dişmen heme çîyo ke destê ci ra yeno keno, nêeşkeno têkoşînê ma bişikno.''

Gerîlaya YJA Starî Zîlane Roj vîst vîrî ke têkoşînê kurdan bi fikranê Rayberê Şarê Kurdî Abdullah Ocalanî heta ewro ame û wina vat: ''Têkoşînê şarê ma heta merhaleyêke ameyo. Şarê ma hinî destûr nêdano ke dişmen ziwan, kultur û nameyê ci înkar bikero û bi erjanê ci kay bikero. Şarê ma do bi fikranê Rayber Apoyî xoverdayîşê xo gidêr bikero. Şarê ma dişmenê xo sarisnayo. Şervananê ke Hemleya 15ê Tebaxe kerde, hemrayê embaz Egîdî yê û serkêşê têgêrayîşê ma yê. Bi na wesîle ez wazena vajî ke ma do rayîrê embazanê Egîd, Kemal Pîr, Hayrî Durmuş û Mazlûmî teqîp bikerê ke serkêşê partî û şarê ma yê. Nê embazî serkêşê şarê ma yê. Sembolê cuyeya ma yê. Ma taqîpkerdoxê rayîrê înan ê. Hemleya 15ê Tebaxe şarê ma rê pîroz bo. Biciwîyo Rayber Apo, biciwîyo şehîdê şorişî û biciwîyo şarê kurdî.''