Gerîlaya YJA Starî Silave Ronahî (Hedîye Balur) ya ke Koyê Bagokî yê qezaya Nisêbînî ya Mêrdînî de şehîde bibî cenazaya ci badê 178 rojan vizêr ameye definkerdene.

Artêşa tirke 7-8ê gulane de Koyê Bakokî de operasyon kerd bi û mabênê îşxalkeran û gerîlayan de pêkewtişî qewimîyayîbî. Netîceya bombardumanî de 6 gerîlayê HPG û YJA Starî şehîd bibî. Cenazayê gerîlayanê bînan tarîxanê cîya cîyayan de ameybî girewtene. Cenazana Hedîye Balur badê 7 aşman dîyaye keyeyê ci. Badê safîkerdişê testê DNA keyeyê Balurî ke bi aşman o semedê girewtişê cenazaya xo gurîyeno vizêr cenazaya kênaya xo  girewte û berdê qezaya Hezexî ya Şirnexî. Dekewtişê Goristanê Şêx Hesenî de sloganê ''Ti xêr ameya Kurdîstan'' û ''Şehîdî nêmirenî'' bîyî berz. Cenazaya Hedîye Balura ke tîra 450 gram mendî badê caardişê wecîbeyanê dînîyan ameye definkerdene.