Merkezê Îrtîbatî û Çapemenîye yê HPGyî derheqê çalakîyanê gerîlayan hêrişê artêşa tirke de zanayîş da û nê pare kerdî:

''Gerîlayê Azadîye yê Kurdîstanî vera îşxalkeran semedê pawitişê erdê Kurdîstanî û şarê kurdî têkoşînê tarîxîyî kenê. Başûrî ra hetê Vakurî bi çalakîyanê bitesîran hesabê dewleta tirke reyna ameyî pûçkerdene. Hêzê ma derbeyanê girdan danê îşxalkeran ro. Çalakîyan de 16 îşxalkerî ameyî cezakerdene, 5 îşxalkerî birîndar bîyî û helîkopterêk ame derbkerdene. Detayê çalakîyan wina yê:

Amed

Qezaya Licê ya Amedî de 23ê gulane de  qereqolê Taverî de îşxalkerî hetê hêzanê ma ra ameyî pirodayene, îşxalkerêk ame cezakerdene. Eynî roje vera qereqolê Bilbilîkî yê Licê zî çalakîya sûîkastî ameye kerdene, îşxalerêk ame cezakerdene. Artêşa tirke 1ê hezîrane de warê Şehîd Serhadî yê Licê de operasyon da destpêkerdene. Operasyono ke hetê hezênê ma ra ame betelkerdene 3ê hezîrene de peyser ancîya.

Avaşîn

Warê Xoverdayîşî yê Werxelê de 7ê hezîrane de îşxalkeranê ke waşt pê teqaberan hêriş bikerê, pê çekanê giranan û ferdîyan hetê hêzanê ma ra ameyî pirodayene. Netîceya çalakîye de teqaberê îşxalkeran teqa, 2 îşxalkerî ameyî cezakerdene. Saetanê cemê şanî de îşxalkerî tîya reyna ameyî pirodayene, 2 îşxalkerî ameyî cezakerdene.

Metîna

Warê Xoverdayîşî yê Girê Cûdîyî de 7ê hezîrane de îşxalkerî dormeyê tunelanê şerî yê Şehîde Savuşka de hîrê hetan ra ameyî pirodayene. Çalakîye de 7 îşxalkerî ameyî cezakerdene û 4 îşxalkerî birîndar bîyî.  Eynî roje Girê Cûdîyî de yew helîkopterê hêrişî ame derbkerdene.

Zap

Warê Xoverdayîşî yê Şehîd Şahînî de îşxalkerî ameyî pirodayene.  Dormeyê tunelanê şerî yê Şehîde Hewrê de zî îşxalkerêk ame cezakerdene. Eynî roje Warê Xoverdayîşî yê Şikefta Birîndara de zî îşxalkerî ameyî pirodayene. Îşxalkerî mecbûr mendê ke gamêke peyser agerê. Hêzanê ma yê YJA Starî Warê Xoverdayîşî yê Karkerî de çalakîya sûîkastî kerde. Çalakîye de 3 îşxalkerî ameyî cezakerdene. Eynî roje yew sensorê tîpê leşkerî yo ke îşxalkeran dormeyê tunelanê şerî de ca kerdbi, hetê hêzanê ma ra ame îmhakerdene.

Bombarduman

Tunelê şerî yê Şikefta Birîndara û Şehîd Hewrê yê Herêma Zapî 7ê hezîrane de  19 rey û Warê Xoverdayîşî yê Werxelê 9 rey pê çekanê kîmyewîyan û teqaberan dîyayî bombayan ver. Eynî roje warê Çemço, Kurojahro, Çiyareş, Karker, Şîkefta Birîndara, Şehîd Şahîn, Şehîd Harûn, Şehîd Tolhildan, Girê Rûbar, Karker, Girê Cûdî, Girê FM, û Girê Ortê yê herêma Zapî, Warê Xoverdayîşî yê Werxelê  yê herêm Avaşînî û dormeyê dewenê Qesrokê û Bazê û warê Serê Metîna pê teyarayanê şerî û obusan ameyî bombardumankerdene.''