Merkezê Îrtîbatî û Çapemenîye yê HPGyî derehê çalakîyanê gerîlayan û hêrişê artêşa tirke de zanayîş da.

Eşkerayîye de nê ameyî parekerdene:

''29ê êlule de îşxalkerê ke dormeyê Warê Xoverdayîşî yê Werxelê de bî hetê hêzanê ma ra pê çekanan giranan ameyî pirodayene. Çalakîye de hedefê ke ameyî bewlîkerdene biîsabet ameyî pirodayene.

3ê teşrîna verêne de Girê Şehîd Mûnzûrî yê Mamreşoyî de îşxalkerî hetê hêzanê ma ra bi çekanê giranan ameyî pirodayene. Reyna saetanê serê sibayayî de Werxelê de û saetanê şanî de Mervanos de îşxalkerî di rey bi çekanê giranan ameyî pirodayene. Wird çalakîyan de zî hedefî biîsabet ameyî pirodayene. Nê wird çalakîyî semedê selamkerdişê Xoverdayoxanê Werxelê ameyî kerdene.

Artêşa tirke ya îşxalkere 3ê teşrîna verêne de çar rey Warê Xoverdayîşî yê Werxelê bombarduman kerd ke aver şiro. Mabenê îşxalkeran û xoverdayoxan de pêkewtişî qewimîyayî. Xoverdayoxanê Werxelê verê  îşxalkeran girewt û destûr nêda ke ê aver şirê. Îşxalkeran 4ê teşîrna verêne de zî Warê Xovedayîşî bi çekanê giranan da bombayan ver.

3ê teşrîna verêne de warê Serê Metîna yê herêma Metîna pê teyarayanê şerî û dormeyê dewê  Kêste û Hirorê yê Kanî Masî û warê Kela Qûmrîye hetê qereqolanê sînorî ra pê obus û havanan dîyayî bombayan ver.  Eynî roje warê Şehîd Şervanî yê herêma Zapî pê teyarayanê şerî dîya bombayan ver. Netîceya hêrişî de şewato ke erazî de vejîya dewam keno. Reyna waranê Mervanos û Tebûrê Ereban ê Avaşîn de têgêrayîşê helikoteran  qewimîya û warê Werxelê pê helîkopteran dîya bombayan ver.''