Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê îşxalkeran de eşkerayîyêke daye.

Eşkerayîye wina ya:

''Çarçewa Hemleya Şorişgêre ya Bazanê Zagrosî de;

2ê teşrîna verêne de Avaşîn de îşxalkerê ke waştêne hêrişê Warê Xoverdayîşê Werxelê bikerê hetê hêzanê ma ra ameyî pirodayene. Netîceya na çalakîye 2 îşxalkerî ameyî cezakerdene û 2 îşxalkerî zî birîndar bîyî. Na çalakîya serkewte bi armancê selamkerdişê xoverdayoxanê Werxelê ameye kerdene ke bi îradeyêkê pîlî şer kenê.

2-3ê teşrîna verêne de îşxalkerê ke Girê Şehîd Serxwebûnî yê Zapî de yê hetê hêzanê ma ra 2 reyî pê çekanê giranan ameyî pirodayene. Nê wird çalakîyan de hedefî bi hawayêkê serkewteyî ameyî pirodayene.

Çarçewa Hemleya Şorişgêre ya Cengê Xabûrî de herêma Metîna de;

2ê teşrîna verêne de helîkopterê ke waştêne dewanê Hirorê û Kêste bidê bombayan ver hetê hêzanê ma ra ameyî hedefkerdene. Netîceya mudaxeleyê hêzanê ma de helîkopterî neçare mendî ke warî biteriknê.

1ê teşrîna verêne ra heta 2ê teşrîna verêne de waranê Girê Sor, Girê Silêman, Girê Spî, Mervanos û Tabûra Ereban de têgêrayîşê helîkopteran qewimîya. Warê Tabûra Ereban û Gelîya Basya û dewa Dirê zî pê hawanan dîyayî bombayan ver. 

2ê teşrîna verêne de xeta Qaşûra ya Metîna de têgêrayîşê helîkopteran qewimîya. Heman roje dormeyê Serarû, Êdinê, Dêşîşe yê Kanî Masî, warê Qela Qûmrîye û Koordîne û dewa Banka dîyayî bombayan ver.

2ê teşrîna verêne de qereqolanê sînoran ser ra Girê Cûdîyî yê herêma Zapî dîya bombayan ver û dewa Yekmalê ya qezaya Amedîyê ya Dihokî dîyaye bombayan ver.

3ê teşrîna verêne de warê Zêvê pê obus û hawanan dîya bombayan ver. Netîceya bombardumanî de erazî de şewat vejîya û no şewat hema zî dewam keno.''