Merkezê Îrtîbatî û Çapemenîye yê HPGyî derheqê çalakîyanê gerîlyan û hêrişê artêşa tirke de zanayîş da.

Eşkerayîya HPGyî de nê ameyî parekerdene:

''Artêşa tirke ya îşxalkere 1ê teşrîna verêne de pê teyarayanê şerî û çekanê giranan hêrişê Warê Xoverdayîşî yê Werxelê yê herêma Avaşînî kerd. Badê bombardumanê îşxalkeran waşt aver şirê la Xoverdayoxanê Werxelê destûrê înan nêda. Naye ser o pêkewtişî vejîyayî. Rixmê heme teknîkê dişmenî Xoverdayoxanê Werxelê bi îradeyê mîlîtanîya Apoyîye verê înan girewt. Artêşa îşxalkere saetanê şanî de reyna bi çekanê kîmyewîyan hêriş Warê Xoverdayîşî yê Werxelê kerd. 2ê teşrîna verêne de zî hêrişan dewam kerd.

30ê êlule de xeta Qaşûra ya herêma Metîna de têgêrayîşê helîkopteran qewimîya û dormeyê dewanê Kêste, Dêşîşê, Seararû, Êdinê, Bênavê, Hirorê yê qezaya Amedîye û warê Koordîne pê helîkopteranê hêrişî dîyayî bombayan ver. Eynî roje dormeyê dewa Kêste hetê qereqolanê sînorî ra zî ame bombardumankerdene. Reyna warê Kayfa yê Garê zî pê teyarayanê şerî diya bombayan ver.

1ê teşrîna verêne de warê Çemçoyî yê herêma Zapî pê teyarayanê şerî dîya bobmayan ver. Netîceya hêrişî de erazî de şewat vejîya. Şewat hema zî dewam keno. Eynî roje Girê Şehîd Întîkamî yê herêma Avaşînî pê helîkopteranê hêrişî dîya bombayan ver. Reyna û dewa Yekmalê ya herêma Bergarê yê qezaya Amedîye ya Duhokî zî pê teyarayanê şerî ameye bombardumankerdene.''