Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîya nuştekîye daye û nê pare kerdî:

Amed de xayînêk ame kiştene

''Kontrayo bi nameyê Abdulbakî Taşdemîro ke serra 1996î de bi sebebê şehadetê hîrê gerîlayan, semedê dewleta tirke ajanîye kerdêne û seba ke komelî ercanê ci ra raqilno falîyetê fûhûş û madeyê kundoxî kerdêne, hetê hêzanê ma ra ame cezakerdene. Nê kontrayê ke ximeztê îşxalkeran kerdêne 16ê êlule de nizdîya dewa Dêrkamê ya warê şehîd Kendalî yê Amedî de ame cezakerdene û qesasê embazanê ma yê sînayeyan ame giretene.

Xakurkê de di îşxalkerî ameyî kiştene

Dewleta tirke ya îşxalkere 25ê êlule de warê Gelîya Reşî ya Xakurkê de operasyonêk da destpêkerdene. Eynî roje yewîya operasonî hetê embazanê ma ra bi taktîkê sabotajî ameye pirodayene. Çalakîya serkewtîye de di îşxalkerî ameyî cezakerdene.

Medyaya tirkan raştîyan nêvena

Dewleta tirke  bi rayîrê medyaya şerê taybetî xeberê zûrî vila kerdî ke nê leşkerî netîceya qeza de merdî. Wa şarê ma nê xeberanê zûran ê dewleta tirke rê mexapîyo. Bi nê xebaran wazenê vinkerdişanê xo binimnê.

Xoverdayîşê Werxelê ame selamkerdene

28ê êlule de  warê Girê Şehîd Şahanî û 30ê êlule de Girê Karkerî de îşxalkerî hetê hêzanê ma ra pê çekanê giranan ameyî pirodayene. Nê wird çalakîyê ke hêzanê ma yê Xakurkê semedê selamkerdişê Xoverdayîşê Werxelê kerdî de tewr tay di îşxalkerî ameyî cezakerdene.

Hêzanê PDKyî hêrişê gerîlayan kerd

29ê êlule de  hêzê ma yê  ke dormeyê Girê Şehîd Hawayî yê warê Goşînê yê Xakurkê de wezîfeyê xo ser de bî hetê hêzanê çekdaran ê PDKyî raştê hêrişê çekdarî ameyî

Avaşîn û Zap de bombardumanî

29ê êlule ra heta saetanê serê sibayî yê 30ê êlule waranê Girê Sor, Girê Silêman, Girê Sipî, Mervanos, Tabûrê Erebanî yê Avaşînî de têgêrayîşê helîkopteran qewimîya. Eynî saetan de warê Kartalî pê teyarayanê şerî dîya bombayan ver. Reyna warê Tîpa Tyî û Girê Şehîd Sîmkoyî yê Zapî pê teyarayanê hêrişî dîyayî bombayan ver. Dewa Karawa ya qezaya Amedîye ya Duhokî  pê teyarayanê şerî dîya bombayan ver.''