Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke eşkerayîye daye û nê vatî:

''Artêşa tirke ya îşxakere saetanê şanî yê 28ê êlule ra heta 29ê êlule Warê Xoverdayîşî yê Werxelê bi çekanê giranan û madayenê teqayîşî bombarduman kerd. Artêşa tirke ya ke pê şuxulnayîşê çeke kîmyewîye sûcê merdîye kena vera xoverdayîşê tarîxî yê Xoverdayoxanê Werxelê nêeşkeye aver şire.

28ê êlule de girê Rostê yê warê Goşînê yê Xakurkê û warê Kafya yê herêma Garê pê teyarayanê şerî dîyayî bombayan ver. Eynî roje warê Sîda, Tîpa Tyî û Girê Şehîd Sîmkoyî yê yê Zapî bi teyrayanê şerî û helîkopteranê hêrişî dîyayî bombayan ver. Şewato ke badê hêrişî erazî de vejîya dewam keno. Reyna mabênê saetanê şanî yê 28ê êlule ra heta serê sibayî warê Girê Sor, Girê Silêmanî, Girê Sipî, Mervanos, Tabûrê Eraban, Banista yê herêma Avaşînî de têgêrayîşê helîkopteran qewimîya û eynî saetan de Girê Şehîd Întîkamî pê helîkopteranê hêrişî dîya bombayan ver.''