Merkezê Îrtîbatî û Çapemenîye yê HPGyî (HPG-BÎM) derheqê operasuonê îşxalkeran de tay agahîyî dayî. Eşkerayîya HPGyî wina ya:

''12ê êlule de artêşa tirke ya îşxalkere warê Şehîd Bahozî yê herêma Gabarî yê Şirnexî verî da bombayan ver dima zî tede operasyonêko hîra da destpêkerdene. 16ê êlule de artêşa îşxalkere neçare mende ke bênetîce xo warî ra apey bianca. Bombardumananê artêşa îşxalkere de şewat vejîya û şewat hema zî dewam keno.

27ê êlule de xeta Qaşûra ya Metîna de têgêrayîşê helîkopteran qewimîya. Warê Qela Qumrîye, Dêşîşê, Sararû û Koordîne yê Kanî Masî dîyayî bombayan ver. Heman roje dewa Şêlazê zî 5 reyî dîyaye bombayan ver. Netîceya bombardumanî de zeraro madî resa bax, baxçe û keyeyanê şarî ser.

Reyna 27ê êluke de waranê Girê Sor, Girê Sipî, Merwanos, Banista û Tabûra Ereban ê herêma Avaşînî de têgêrayîşê helîkopteran qewimîya. Helîkopteran û teyarayanê şerî Girê Şehîd û Gelîya Basya, warê Şamkê yê Zapî û dewa Girê ya bajarekê Çemankê ya qezaya Amedîyê ya Dihokî dayî bombayan ver.''