Koyanê Kurdîstanî de xeylêk cayan de Newroze ameye fîrazkerdene. Fermandarê Akademîyanê Apollonî ya HPGyî Dersim zî tewrê şayîya Newroze bi.

Fermandar Dersimî Newroze qisey kerd û vat: ''Vera zulmê Dehaqî şaranê Rojhelatê Mîyanênî rayberîya şarê Medan de xoverdayîşêk da destpêkerdene.  Ê wextî ra nata a roje sey Newroze yena fîrazkerdene. Rayber Apoyî 48 serrî verî tesbît kerdbi ke şarê kurdî û Kurdîstan kolonyal ê. Coka Newroze de rayraşîyayîşê azadîye dîya destpêkerdene. Kawayê Hemdemî Mazlûm Doganî rojêka Newroze de xo feda kerd û ruhê xoverdayîşî yê Newroze aferna. A roje ra nata ma (PKK) hê xo ver danê. Embazê Mazlûm Doganî nika zî zîndanan de xo ver danê. Ma Newroza înan fîraz kenê.''

Fermandar Dersimî qiseykerdişê xo wina dewam kerd: ''Sîstemê zulmî qetî heta peyên dewam nêkeno. Şarî peynîya peyêne de nê zulmî pê xoverdayîşî çin kenê. Mîsalê ney zî Newroz a. Ewro AKP-MHP, Erdogan û Bahçelî Dehaq ê. Ma sey 2633 serrî verî do nînan çin bikerê. Ma do dewleta tirke û Dehaqan bin bikerê. Ma do bimojna her kesî ke têgêrayîşo fedayî yo Apogîr do qet bin nêkewo. Ma do 2021 de rayberîya Hemleya Wextê Azadîye bikerê, Rayber Apo azad bikerê. Ma Garê de mojna ke gerîlayî do bin nêkewê.  Ma wayîrê Rayber Apoyî vejîyê, xeta Mazlûm Doganî ser o wayîrê wezîfeyanê xo vejîyê û rayberîya şarê xo bikerê. Na çarçewe de ma pêro embazan rê serkewtiş wazenê.''