Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye.

HPGyî vat: ''Hêzanê ma bi îradeyê xurtî û ruhê fedayîye yê Apoyî vera artêşa tirke ya îşxalkere xeylêk çalakîyî kerdî û derba mergî da piro. Nê çalakîyî semedê  yadkerdişê Dayîka Taybete ya ke Xoverdayîşê Xoîdarekerdişî yê Silopî de ameye şehîdkerdene  û kênaya ci Heznê Înan a ke Îdareyê Xoîdarekerdişî yê Cizîrî de şehîd bîye, ameyî kerdene. Gerîlayê Azadîye yê Kurdîstanî do tim îşxalker û qirkeran ra hesab bipersê.

Eşkerayîye de derheqê detayanê çalakîyan û hêrişan de nê ameyî parekerdene:

Warê Xoverdayîşî yê Girê Amedîyê yê Zapî

11ê êlule de Warê Xoverdayîşî yê Girê Amedîyê îşxalkerî serê sibayî ra heta saetanê nêroje çar rey  bi taktîkê suîkastî ameyî pirodayene, 5 îşxalkerî ameyî cezakerdene. Saetanê serê sibayî de îşxalkerî bi çekanê giranan ameyî pirodayene, îşxalkerêk ame cezakerdene. Saetanê nêroje de îşxalkerî bi çekanê giranan hîrê rey ameyî pirodayene. Saetanê şewe de helîkopteranê ke waşt herêma Girê Amedîyê bidê bombayan ver 5 rey înan rê mudaxale ame kerdene. Saetanê şewe de îşxalkerî reyna ameyî pirodayene û 4 îşxalkerî ameyî cezakerdene. Çalakîya bîne ya YJA Starî de 2 îşxlakerî ameyî cezakerdene. 12ê êlule de saetanê şewe de îşxalkerî çend rey têdima ameyî pirodayene, tewr 4 îşxlakerî ameyî cezakerdene.

Warê Xoverdayîşî yê Girê Cûdîyî yê Zapî

11ê êlule de Warê Xoverdayîşî yê Girê Cûdîyî de saetanê serê sibayî ra heta cemê şanî hewt rey îşxalkerî pê çekanê giranan ameyî pirodayene, 7 mewzîyî ameyî îmhakerdene. Reyna cemê şanî ra heta verşanî îşxalkerî 3 rey ameyî pirodayene û 3 mewzîyî ameyî derbkerdene. Nê çalakîyî hetê Hêzanê ma yê YJA Starî ra ameyî kerdene. Helîkopteranê ke waşt herême bidê bombayan ver di rey înan rê mudaxale ame kerdene. 12ê êlule de Warê Xoverdayîşî yê Girê Cûdîyî de pê çekanê giranan ameyî pirodayene, mewzîyêke ameye derbkerdene.

Herêma Xakurkê

10ê êule de mabênê Girê  Şehîd Derwêşî û Girê Lêlîkanî de îşxalkerî  bi taktîkî sabotajî ameyî pirodayene. Na çalkîye de 3 îşxalkerî ameyî cezakerdene û 4 îşxalkerî birîndar bîyî.

Bombarduman

11ê êlule de Warê Xoverdayîşî yê Girê Amedîyê û Girê Baharî yê Herêma Şehîd Delîlî ya Rojhelatê Zapî û dormeyê Çemê Zapî pê teyarayanê şerî dîyayî bombayan ver.Reyna Zap, Metîna, Xakurkê pê helîkopteranê hêrişî û topan dîyayî bombayan ver.''