Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke yê ke 2ê tebexe de ameyî kerdene de, eşkerayîye daye û nê pare kerdî:

Girê Amedîyê

Warê Xoverdayîşî yê Girê Amedîyê de droneyêk hetê hêzanê ma ra dîya war. Îşxalkeranê ke mewzîyanê şerî bidê bombayan ver ê zî amayî pirodayene, îşxlakerêk ame cezakerdene. Hêzanê ma dest na teqaberanê dişmenî ser.

Girê Cûdî

Warê Xoverdayîşî yê Girê Cûdîyî de îşxalkerî hetê hêzanê ma yê YJA Starî ra ameyî pirodayene, îşxlakerêk ame cezakerdene. Saetanê veraşanî de îşxalkeranê ke pê çekanê kîmyewîyan  û gazanan axûyinan hêrişê mewzîyanê şerî kerd reyna ameyî pirodayene. Îşxlakerî peyser agerêyî û herême daye bombayan ver.

Şikefta Birîndara

Warê Xoverdayîşî yê Şikefta Birîndara ya herêma Zapî de hêzanê ma pê çekanê giranan da mewzîya çeka girane ya dişmenî ro. Netîceya pirodayîşanê birtesîran de mewzî pîya bi çekê ke tedebî ameyî îmhakerdene û di îşxalkerî ameyî cezakerdene.

Girê Werxelê

Warê Xoverdayîşî Girê Werxelê de îşxlakeranê ke pê kepçeyan mewzîyî viraştêne pê çekanê giranan ameyî pirodayene. Badê çalakîye îşxalkeran xebata viraştişê mewzîyan vindarnaye.

Bombarduman

Artêşa tirke ya îşxalkere Warê Xoverdayîşî yê Girê Amedîye û  Girê FMyî pancês rey bombaya taktîk nukleer û çekanê kîmyewîyan dayî bombayan ver. Reyna war Girê Amedîyê, Girê Bihar, Berçîya de têgêrayîşê hewayî est bi. Dormeyê awa Zapî û dewa Banka ya Metîna de pê teyarayanê şerî dîyayî bombayan ver. Girê FM, Girê Cûdî, Kurojahro û Kela Çemçoyî zî bi desan rey pê teyara, helîkopter û obusan dîyayî bombayan ver.''