Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

Botan

''23ê temmuze de herêma Besta de hîrê xeymê ke îşxalkerî tede bî hetê hêzanê ma ra mesafeyo nêzdî ra ameyî pirodayene. Na çalakîye de îşxalkerêk ame cezakerdene, di îşalkerî birîndar bîyî û hîrê xeymî ameyî îmhakerdene. Îşxalkeranê ke badê çalakîye warê Besta Hincê de operasyonê îşxalî da destpêkerdene saetanê veraşanî de peyser agêrayî.

Metîna

26, 27 û 30 temmuze de Warê Xoverdayîşî yê Girê Cûdîyî de îşxalkerî hîrê rey têdima bi taktîkê sûîkastî ameyî pirodayene. Çalakîyan de hîrê îşxalkerî ameyî cezakerdene. 1ê tebaxe de Warê Xoverdayîşî yê Girê Amedîyê  û Girê Cûdîyî de îşxalkerî pê çekanê ferdîyan û giranan û taktîkê sabotaj û sûîkastî têdima ameyî pirodayene. Wird waran de zî îşxalkerêk ame cezakerdene. Girê Amedîye de kamerayêka mobese ameye îmhakerdene.

Zap

1ê tebaxe de Warê Xoverdayîşî yê Şikefta Birîndara de helîkopterêke waşt herême bido bombayan ver hetê hêzanê ma yê YJA Starî ra di hetan ra ame hedef girewtene. Netîceya pirodayîşanê bitesîran de helîkopter mecbûr mend ke herême ra bikewo dûrî. 2ê tembexe îşxalkeranê ke waşt ver bi tunelanê şerî yê Şehîd Umîdî aver şirê hetê hêzanê ma ra pê çekanê giranan û taktîkê sabotajî ameyî pirodayene. Çalakîye de  di îşxalkerî birîndar bîyî.

Bombarduman

Artêşa tirke ya îşxalkere 1ê tembexe de Warê Xoverdayîşî yê  Girê FM û Şikefta Birîndara panc rey bombaya taktîk nukleer û çekanê kîmyewîyan dayî bombayan ver. Eynî roje Warê Xoverdayîşî yê Şehîd Adil, Çemço, Girê Amediyê, Werxelê, Kokerê Direniş bi desan rey pê teyara, helîkopter û obusan dîyayî bombayan ver.

Ajanêk ame cezakerdene

14ê hezîrane de dewa Verîsa ya Xîzanê Bêdlîsî de Halît Gezîcî yo ke rixmo ke çend rey ame hîşyarkerdene herême de binê falîyetanê cîya cîyayan de xizmetê dişmenî kerdêne hetê hêzanê ma ra ame cezakerdene.

Eleqeya ma pê Nusret Tebîşî çîn a

Medyaya şerê tayberî yê tirkan de yeno vatene ke Nusret Tebîşo ke berpirsîyarê qirkerdişê Gungorenî yê 2008î yo ameyo kiştene û îdîa kenê ke eleqeya nê kesî bi têgêrayîşê ma est a. No raşt nîyo, qet yew eleqeya Nusret Tebîşî pê ma çîn a. Seba ke bi qirkerdişê Zaxoyî rîyê dewleta tirke binêna kewt meydan û nêrazîbîyayîşî vera ci est ê, wazena  serê qirkerdişanê xo bîgêro û wina rojdemî bibedilno. Hem zî bi sernaryoyanê sexteyan MÎTî kena wayîrê îtîbarî. Wa şarê Kurdîstanî û rayrapêroyîya demokratîke ya Tirkîya nê xebaranê zûran rê mexapîyo.''