Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî yê dewleta tirke de eşkerayîyêke daye.

Eşkerayîya HPGyî  wina ya:

Hêzê Pawitişê Hewayî yê Şehîde Delale

''Hêzanê ma yê Pawitişê Hewayî yê Şehîde Delale 26ê gulane de Qilê Zendûra ya Metîna de vera îşxalkeran çalakîyêka serkewtîye kerde. 2ê gulane de zî Qilê Şehîd Serdarî yê Avaşînî de îşxalkerî hedef girewtî. Hedefê ke ameyî belîkerdene biîsabet ameyî pirodayene.

Hemleya Şorişgêre ya Bazanê Zagrosî

26ê gulane de helkopteranê ke leşkerî Dola Maranî ya herêma Avaşî de cakerdêne hetê hêzanê ma ra hedef ameyî girewtene. Bado ke helîkoperî ameyî pirodayene peyser ancîyayî. 27ê gulane de vera Qereqolê Girê yê herêma Zapî pê çekanê giranan çalakîyêke ameye kerdene. Badê çalakîye îşxlakeran herême bombarduman kerde.

Hemleya Şorişgêre ya Cengê Xabûrî

25ê gulane de Qilê Koordîne yê warê Bektorya yê herême Heftanînî de vera îşxlakeran di çalakîyî ameyî kerdene. Çalakîya verêne de mewzîya dişmenî ameye pirodayene. Çalakîye de mewzî ameye îmhakerdene û 3  îşxalkerî ameyî cezakerdene. Çalakîya bîne de zî kamelya ke di îşxlakerî tede bî ameye pirodayene. Kamelya amaye îmhakerdene, di îşxalkerî ameyî cezakerdene û 1 radar zî ame derbkerdene.

Hêrişê hewayî

Artêşa tirke vera Herêmanê Pawitişî yê Medya bombardumanî kerdî. 26ê gulane de Qilê Zendûra yê Metîna û Dola Maranî yê herêma Avaşînî pê teyarayanê şerî ameyî bombardumankerdene. Eynî roje waranê Mamreşoyî û Dola Konferansî yê Avaşînî û qilanê Şehîd Serxwebûnî û Petrutî yê herêma Zapî de pê helîkopteran leşkerî ameyî cakerdene. Nê hêrişan de vînîbîyayeyê ma çîn ê.''