Gerîlayanê Azadîye yê Kurdîstanî Garê de serrgêra 45. ya ronîyayîşê PKKyî bi merasîmêkê heybetînî fîraz kerde.

Merasîmî seba şehîdan bi deqayêkê rêzgirewtişî dest pêkerd. Fermandaranê HPGyî ra Rojhat Mûşî merasîm de qisey kerd.

Mûşî vat: ''Ma Rayberê Şarê Kurdî Abdullah Ocalano ke bi kedanê pîlan PKKyî nabi ro fîraz kenê. Ma şexsê Hakî Karerî de pêro şehîdanê xo bi rêzî yad kenê. Ma serrgêra ronîyayîşê PKKyî pêro gerîlayan, şarê ma, dadîyanê şehîdan û gerîlayan fîraz kenê.

PKK îrade, hêvî û nasnameyê şarê kurdî yê. Eke ma ewro koyanê Kurdîstanî de bi coşî û fedakarî şer kenê xêrê şehîdanê xo ra ney kenê. Eke embazanê ma Rojhat û Erdalî merkezê Anqara de çalakîyêka pîle kera no xêrê ruhê Rayber Apoyî û PKKyî bi. Ma zî sey gerîlayanê HPG û YJA-Starî soz danê ke PKK do tim est bo. Ma do qetî ala PKKyî nêdê erdî ro.''

Şayîye de gerîlayan sloganê sey “Bijî Serok Apo, “Bi can bi xwîn em bi tere ne ey Serok”, Bê Serok Jiyan nabe”, “Jin jiyan azadî” û “Bijî Partiya Karkerên Kurdistan” vatî û govende girewte.