Warê Metîna de binê hêrişanê artêşa tirke ya îşxalkere de gerîlayanê HPG û YJA-Starî serrgêra ronîyayîşê PKKyî ya 27ê Teşrîna Peyêne bi coşî fîraz kerde.

Merasîm de Fermandaranê YJA-Starî ra Sozane Mardîn qisey kerd. Sozane 27ê Teşrîna Peyêne pêro gerîlayan, Rayberê Şarê Kurdî Abdullah Ocalanî û şarê kurdî rê fîraz kerd. Sozane Mardîn vat: ''Dewaya PKKyî bi gonîya şehîdan yena kerdene. Ma xêrê şehîdanê xo ra bîye partîyêka rêxistinkerde û artêşêka rêxistinkerde. Nê pêroyî bi bawerîyêka pîle û bi bedelanê pîlan ameyî afernayene. 

PKK qetî qels nêbi tim xurt bi. Çunke PKK tim şarê xo de yew bi. Şarê ma zî xêrê PKKyî ra her roje kuçeyan de xo ver dano û bi ney sereberz o.''

Qiseykerdişê Sozane Mardînî ra dima gerîlayan sloganê “Bijî Serok Apo” û “Bê Serok jiyan nabe” vatî. Dima gerîlayan govende girewte û 27ê Teşrîna Peyên fîraz kerd.