Merkezê Îrtîbatî û Çapemenîye yê HPGyî derheqê hêrişan û çalakîyanê gerîlayan de eşkerayîyêke daye.

Eşkerayîye wina ya:

''Hêzanê ma yê Pawitişê Hewayî yê Şehîde Delale 24ê adare de herêma Heftanînî de pê teyarayan îşxalkerê ke Girê Şehîd Sîpanî de ca bibî dayî bombayan ver. Çalakîye bi hawayêkê serkewteyî qedîyaye. Na çalakîye seba qesasê fermandarê ma yê fedayî Savaş Nemir û embazanê ke hetê ci de şehîd bîyî, ameye kerdene.

Dewleta tirke ya îşxalkere vera Herêmanê Pawitişî yê Medya hêrişê hewayî kerdî. Agahîyê derheqê nê hêrişanê hewayî de wina yê:

19ê adare saete 12.00 de warê Kolitê yê herêma Xakûrkê pê teyarayanê şerî dîya bombayan ver. 20ê adare de saete 11.00 de warê Goşînê yê herêma Xakûrkê, mintiqaya Girê Rosa pê teyarayanê şerî dayî bombayan ver. 20ê adare saete 11.00 de warê Saca yê herêma Zapî pê teyarayanê şerî da bombayan ver. Nê hêrişî de zerarêk nêresa hêzanê ma ser.''