Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirk de eşkerayîyêke daye nê pare kerdî:

Heftanîn de 3 leşkerî ameyî kiştene

''10ê temmuze de de artêşa tirke ya îşxalkere ke 16ê hezîrane de dest pê hêrişê îşxalî yê vera Heftanîn kerd, bi paştdayîşê wesayîtan hewayî yê bêmerdiman waşt ke ver bi Qilê Kartalî aver şiro. Îşxalkerî raştê xoverdayîşê hêzanê ma ameyî. Hêzanê ma mesafeyo nizdî ra da piro. Tîya tesbîtkerde 3 leşkerî ameyî cezakerdene. Hêzanê ma reyna 3 çalakîyê sabotajî yê bînî kerdî la hûmara merde û birîndaran a nê çalakîyan zelal nêbîye. Derheqê nê warî ke pêkewtiş û bombardumanî qewimîyenê de do zanayîşê ke bikewê dest peyra bêrê barekerdene.

Çelê de 5 leşkerî ameyî kiştene

10ê temmuze de hêzanê ma yê YJA Srarî Çelê ya Colemêrgî de vera Qereqolê Serzêrî çalakîyêke kerde. Çalakîya mewzî stargehê dişmenî bitesîr ameyî pirodayene netîceya ci safî nêbîye. Hêzanê ma heman roje de vera Qereqolê Tepe Sorî çalakîyêke kerde. Çalakîya ke mewzîyanê dişmenî ser o adir ame varneyene  de 2 mewzîyî ameyî îmhakerdene û xeylêk çeke ame îmhakerdene û 5 leşkerî ameyî cezakerdene.

Colemêrg de 2 gerîlayî şehîd bîyî

14ê hezîrane de artêşa tirke Çîyayê Reşkê ya Colemêrgî de dest pê operasyonî kerd. Çarçeweya operasyonî de herême ameye bombardumankerdene û dima ra mabênê hêzanê û îşxalkeran de pêkewtişî ameyî ciwîyayene. Embazê ma Kemal û Qendîl ê ke vera dişmenî bi hawayêkê qehremankî şer kerd û derbê giranî dayî dişmenî ro tewrê kerwanê şehîdan bîyî.

11ê temmuze de teyrayanê şerî yê dewleta tirke warê Şehîde Dîrene yê Avaşînî bombarduman kerd.''