Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêka nuştekîye daye û nê pare kerdî:

''29ê tebaxe de artêşa tirk a îşxalkere waranê Navsera û Derîyê Wara yê herêma Koyê Cûdyî yê Şirnexî de operasyonêk da destpêkerdene. Hêzanê ma çarçewa Hemleya Qesasî ya Şehîde Medya Mawa û Şehdî Rizgar Geverî de 30ê tebaxe de vera îşxalkeran çalakîyêke kerde. Çalakîya ke dişmen mesafeyo nizdî ra bitesîr ame pirodayene de hûmara merde û birîndaranê dişmenî nêameye tesbîtkerdene. Îşxalkeran badê çalakî herême bombarduman kerd. Şewato ke netîceya hêrişî de vejîya dewam keno.

Çarçewa Hemleya Şorişgêre ya Cengê Heftanînî de hêzanê ma 31ê tebaxe de vera îşxlakeranê ke Qilê Katosulê yê Bektorya de ameybî cakerdene de çalakîya suîqestî kerde. Çalakî de leşkerêk ame cezakerdene. Eynî roje mewzîyêkê dişmenî ame pirodayene la humara leşkeranê ke merdî û birîndar bîyî zelal nêbîye.

Teyarayanê şerî yê tirkî 31ê tebaxe de vera Herêmanê Pawitişî yê Medya hêrişê hewayî kerd.  Avaşîn de Qilo Sor û warê Werxelê, Zap de warê Karkerî û herême Herfa Tyî û Saca bombarduman kerdî. Reyna eynî roje warê Dola Reşmê û  Şehîde Delîla yê Zapî bi hawan û obusan ameyî pirodayene. Şewato ke badê hêrişî vejîya dewam keno.''