Vera hêrişanê îşxalî yê dewleta tirke gerîlayê azadîye bi hawayêkê bêhempayî xo ver danê û çalakîyan kenê. Nê çalakîyan ra yewe zî şewa 27ê gulana 2022yî de ameye kerdene.

Saete 01.00 de Warê Xoverdayîşî yê Girê FMyî yê Zapî de îşxalkerî bi çalakîyê bikoordîne tarûmar bîyî. Merkezê Îrtîbatî û Çapemenîye yê HPGyî çalakîye ra di rojan dima eşkerayîyêke daye û pare kerd ke na çalakîye de çekê ferdî şuxilîyayî û yewê ci payeberz 12 îşxalkerî ameyî cezakerdene.

Çalakîye serkêşîya Fermandara YJA-Starî Nalîne Firat (Maşallahe Kaynak) de ameye kerdene. Firata ke 2015 de vera hêrişanê dewleta tirke yê serê Cizîre tewra gerîlayan bibî, na çalakîye de şehîd bîye.

Roja çalakîye de Warê Xoverdayîşî yê Girê FMyî de şerêko giran qewimîya û fîşekî teqayî. Dîmenê nê helan bi kameran ameyî qeydkerdene. Yewina gerîlayan bi rayîrê cîhazê îrtîbatî çalakîye ser o agahîyî dayî hêzanê bînan ê gerîlayan.

Gerîlayêka YJA-Starî bi rayîrê cîhazî qala çalakîye kerde û vat: ''Şima zanenê wextê çalakîye de ma va se? Ma vat 'Tîya Kurdîstan de dekewtiş est o la tira vejîyayîş çin o.' '' 

Dewamê qiseykerdişî de coş û moralê yewina çalakîye eşkera bîyêne. Gerîlayêka bîne zî wina persaye: ''Seba ke ê fam bikerê to tirkî vato?'' Heman gerîlayî/e vat: ''He, he mi bi tirkî vat ke wa fam bikerê.''