Merkezê Çapamenî û Îrtîbatî yê HPG’yî derheqê çalakîyanê gerîlayan de eşkerayîyêk  daye û nê pare kerdî:

Mêrdîn de 6 eskerî ameyî kiştene

''Saetanê serê sibayî yê 18’ê Adare de artêşa Tirkî  dewa Roverî ya qezaya  Kerboranî ya Mêrdînî de dest bi oprasyon kerd. Hêzanê ma çarçeweya Hemleya Şorişgêre ya Şehîd Delal Amede û Şehîdanê Besta de heman roje de vera înan çalakîyêk viraşte. Netîceyê prodayîşanê bitesîran ê hêzanê ma de 6 eskerê dişmenî ameyî kiştene û xeylî zî bîyî birîndar.

3 gerîlayî bi şerkerdişê qehremankî tewrê kerwanê şehîdan bîyî

Na çalakî de embazê ma Remezan bi şerkerdişê qehremankî  şehîd bi. Çalakîye ra dima mabenê hêzanê ma û dişmenî de pêkewtişê giranî ameyî ciwîyayene. Embazê ma Rêber û Dilxwaz ê ke heta guleyê xo yê peyêne bi tewirê fedaîyî şer kerd û derbeyê girdî dayî dişmenî rê û nêwaşti weş destê dişmenî bikewê bombayê xo, xo  ser teqnayî û tewrê kerwanê şehîdan bîyî. Pêkewtişan ra dima bi helîkopteranê  Skorskîyan  dişmenî merde û birîndarê xo herême ra kiriştî. Operasyon bi paştdayîşê yewîyanê nimteyan dewam keno. Hayîdarîyê nasnameyê embazanê ma yê ke şehîd kewtê do dima ra rayapêroyîye dir bêrê parekerdene.”

Gerîlayan Şemzînan de bi wesayîtanê hewayî yê bêmerdiman çalakî viraştî

Çarçeweya Hamleya Şorişgêre ya Şehîd Bager û Şehîd Ronya de  hêzanê  ma 22’ê Adare de bi wesayîtanê hewayî  yê bêmerdiman, Qilê Şehîd Ronahî yê Şemzînanê Colemêrgî de  vera îşxalkaran çalakîyêk viraşte. Çalakîya de  mewzî û stargehê qereqolî hedef ameyî girewtene. Reyna çarçeweya Hamleya Şorişgêre de 23’ê Adare de Rubarok û Qilê Şehîd Ronahî yê Şemzînan de bi wesayîtanê hewayî  yê bêmerdiman çalkîyêk ameye viraştene. Netîceyê nê çalakîyan de derheqê merde û birîndarna de zanayîş nêame girewtene.

Sîdekanê Başûrê Kurdistanî ame bombardumankerdene

Saetanê varaşanî yê 23’ê Adare de tîyaranê Artêşa Tirkî  herra Başûrê Kurdistanî de Qilê Kevortê yê Sîdekanî bombarduman kerd. Netîceyê hêrişî de vîndîbîyayeyê ma çîn ê.‘‘