Gerîlayanê azadîye yê Kurdîstanî Zap de 19ê adare de Operasyono Şorişgêr ê Şehîd Ciwan-Şehîd Andokî kerd. Merkezê Îrtîbatî û Çapemenîye yê HPGyî derheqê operasyonî de nê agahîyî dayî:

''Rayraşîyayîşê gerîlayanê azadîye yê Kurdîstanî bêmabên dewam keno. Gerîlayî bi ruhê Kawayê Modernî Mazlûm Doganî Newroze fîraz kenê. Gerîlayan 19ê adara 2024î de bi Operasyonê Şorişgêrî ancî derbî dayî artêşa tirke ya îşxalkere ro û Roşanê Newroze fîraz kerd.

19ê adare de 09.25 de, Warê Xoverdayîşî yê Girê Amedîyê yê Herêma Şehîd Delîlî de vera hîrê baregehanê artêşa tirke ya îşxalkere Operasyono Şorişgêr ê Şehîd Ciwan-Şehîd Andokî ame kerdene. Operasyono Şorişgêrî bi teknîk û taktîkêkê taybetî, bi înîsîyatîfê hêzanê ma dîya destpêkerdene û hêverî Çehîde Cemre de îşxalkerî ameyî pirodayene. Tîya de 1 konteynir, 1 xeyme, 1 mewzî ameye îmhakerdene; 15 îşxalkerî ameyî cezakerdene û 9 îşxalkerî zî birîndar bîyî. Dima îşxalkerê Şehîde Cemre ancî ameyî pirodayene û 2 îşxalkerî ameyî cezakerdene, 1 îşxalker birîndar bi, 2 mewzî û 1 çeka bombaeştoxe ameyî îmhakerdene.

Şehîd Cesur de zî îşxalkerî çar baskan ra ameyî pirodayene. Tîya de bi temamî 24 îşxalkerî ameyî cezakerdene û 1 îşxalker birîndar bi. Hêzanê Operasyonê Şorişgêrî serê 7 cenazayan ra dest na çekêka roketeştoxe yê B7î, çekêka nêm-otomatîke ya BKC, gule û zîncîranê BKCyî, dûrbînêk, 1 hacetê noqtakerdişî, 1 sîstemê vengî, 1 lapik, 2 bataryayanê termalan û adaptoranê ci, 2 kamerayan ser. Hêzanê ma bi çeka B7î îşxalkerî hedef kerdî û panzerê înan derb kerd.

Şehîd Pîrdogan de zî îşxalkerî bi çekanê ferdî û nêm-otomatîkan ameyî pirodayene, 1 kameraya mobese û 3 projektorî ameyî îmhakerdene.

Îşxalkeran waşt ke bi wesayîtanê zirxînan mudaxeleyê warê çalakîye bikerê la nê zî ameyî pirodayene.

41 îşxalkerî ameyî cezakerdene

Operasyono Şorişgêr ê Şehîd Ciwan-Şehîd Andokî de 41 îşxalkerî ameyî cezakerdene, 11 îşxalkerî birîndar bîyî, dest nîya çekêka B7î, çekêka BKCyî, zîncîr û guleyanê BKCyî, dûrbînêk, sîstemêkê vengî, hacetêkê noqtakerdişî, lapikêk 2 bataryayanê termalan û adaptoranê ci, 2 kamerayan ser. 1 kameraya mobese, 3 projektorî, 2 mewzî û 1 çeka bombaeştoxe, 2 xeyme, 3 konteynirî û 1 sîstemê radarî ameyî îmhakerdene.

Nê Operasyonê Şorişgêrî de embazanê ma Ekîn û Canşêrî bi ruhê neteweyî şer kerd û şehîd bîyî. Ma do nasnameyanê embazanê xo yê welatperweran dima şarê xo û rayaumûmîye de vila bikerê.''