Merkezê Çapemenî û Îrtîbatî yê HPG’yî derheqê çalakîyanê gerîlayan û hêrişê artêşa Tirkî de eşkerayîyêk daye û nê pare kerdî:

Xakurkê de 3 Leşkerî Ameyî Kiştene

‘‘Çarçeweya Hemleya Şorişgêre ya Şehîde Ronya û Şehîd Bagerî de hêzanê ma 2’ê Êlule de Wareyê Pawitişî yê Medya ra Xakurkê de da îşxalkaran ro. Çalakîya de Qilê Şehîde Sarya de ameye viraştene stargehêkê dişmenî ame îmhakerdene û 3 leşkerî ameyî kiştene. Dimayê çalakîye herêma Ermûşî ameye bombavarankerdene.  21’ê Tebaxe de artêşa Tirkî ya îşxalkare mabênê herêmanê Çemê Elika, Gêzan û Çukanî yê qezaya Licê ya Amedî de yewîyê xo yê nimiteyî ca kerdî. Hêzanê ma vera nînan çalakîyêk viraşte la hûmara merde û birîndaran ê dişmenî nêemeye tesbîtkerdene. Yewîyê  ma yê ke nê çalakîyî viraştî weş û war resayî cayanê xo.

Erzîngan de 3 Gerîlayî Şehîd Bîyî

11’ê Tebaxe de qezaya Kemahî ya Erzînganî de artêşa Tirkî operasyonêk da destpêkerdene û heta 13’ê menge herêma operasyonî bombavaran kerde. Pêkewtişanê mabênê hêzanê ma û dişmenî de xeylî leşkerî ameyî kiştene. Operasyono ke heta 29’ê Tebaxe kerd derg de 3 embazê ma yê ke bi qehramanîye vera dişmenî şer kerdêne tewrê kerwanê şehîdan  bîyî. Hayîdarîyê nasnameyanê embazanê ma do rayapêroyîye dir bêrê parekerdene.''