Gerîlayan ra Xekurkê, Bagok û Bazîd de çalakîye
Gerîlayanê HPG û YJA Starî Bagok de çalakîya sabotajî viraşte, Bazîd de zî Qereqolê Tepêrêzî ame pirodayene.
Gerîlayanê HPG û YJA Starî Bagok de çalakîya sabotajî viraşte, Bazîd de zî Qereqolê Tepêrêzî ame pirodayene.
Merkezê Îrtîbatî û Çapemenîye HPG’yî derheqê çalakîyanê gerîlayan û hêrişê îşxalî yê artêşa Tirkî de zanayîş da.
Eşkerayîya HPG’yî winaya:
Xakurkê de Leşkerêk Ame KIştene
Çerçeweya Hemleya Şorişgêre ya Şehîd Bager û Şehîde Ronya de hêzanê ma 13’ê Êlule de Xakurê de çalakîya sabotajî viraşte. Çalakîya ke nêzdîya Qilê Lelîkanî de ameye viraştene de leşkerêk ame kiştene. Dimayê çalakîye herême ameye bombardûmankerdene.
Bazîd de Çalakîya YJA Starî
Çarçeweya Hemleya Serkewtişî ya Şorişgêre ya ke Eyaletê Serhadî de dewam kena hêzanê ma yê YJA Starî 14’ê Êlule de qezaya Bazîdî ya Agirî de da îşxalkaran ro. Çalakîya ke vera Qereqolê Tepêrêzî ameye viraştene de leşkerêk ame kiştene.
Operasyonê Mûşî de 2 Gerîlayî Şehîd Bîyî
8’ê Êlule de artêşa Tirkî ya îşxalkare herêma Şehîde Axîne ya Mûşî de dest bi operasyonêk kerd. Heman roje de herême bi teyareyanê şerî ameye bombardûmankerdene. Roja bîne îşxalkaran bi wesayîtanê zirxinan herême de faalîyet rayra berd. 11’ê Êlule de herême rayna ameye bombardûmankerdene. 12’ê Menge de dimayê bombardûmanî, helîkopteranê skorskyan leşkerî kiriştî herême û faalîyetê cigêrayîşî ameyî kerdene û heman roje de îşxalkarî herêma ra peyser ancîyayî.Nê operasyonî de di embazê ma tewrê kerwanê şehîdan bîyî. Nasnameyê embazanê ma do pey ra bêrê parekerdene.
Mêrdîn de Çalakîya Sabotajî
28’ê Tebaxe de hêzan herma Bagokî ya Mêrdînî de çalakîya sabotajî viraşte. Çalakîya ke mintiqaya Navsara Bagokî de ameye viraştene de hûmara merde û birîndaranê dişmenî nêameye zelalkerdene.
Nasnameyê Şehîdanê Pîranî Ameyî Eşkerakerdene
Ma eşkerayîya xo ya 14’ê Êlule de dabi pêhesaneyene ke 9’ê Êlule de 2 embazê ma operasyonê Deşta Gorsê yê qezaya Pîranî ya Amedî şehîd bîyî. Hayîdarîyê nasnameyanê Embazê ma yê ke şehîd bîyî wina yê.
Nameyê Qodî: Çekdar Mûş Name Peyname: Mûsa Gokturk Cayê Bîyayîşî: Mûş Maye-Pî: Îkrame – Mehmet Tarîx û Cayê Şehadetî: 10’ê Êlule 2019 / Amed |
Nameyê Qodî: Rojhat Amed Name Peyname: Mizgîn Harman Cayê Bîyayîşî: Amed Maye-Pî: Sûna – Şahabettîn Tarîx û Cayê Şehadetî: 10’ê Êlule 2019 / Amed |
Sere de keyeyê şehîdan wa sereyê heme şarê Kurdistanî weş bo. Ma soz danê ke ma do waştişanê şehîdan bica bîyarê‘‘
Herêma Pawitişî yê Meyda de Hêrişê Hewayî
16’ê Êlule de teyareyanê şerî yê artêşa Tirkî Gare de dewa Şivesore, Deşta Kafya û der û dorê dewa Çemborokî, Zap de mintiqaya Tepê Bahar û Amedîye de mintiqaya Tepê Amedîye bombarûman kerdî. Nê hêrişan de vînîbîyayeyê ma çîn ê la erazî de şewat vejîya.‘‘