Gerîlayanê Azadîya Kurdîstanî cîhazê bêtelî ra venga leşkeranê artêşa tirke ya îşxale da ke wa teslîm bibê.

Gerîlayan wina venga înan da û vat:

''Leşkerê ewladê şarê feqîrî!

Hol bizane ke Erdogan, Hulusî Akar û Suleyman Soylu dişmenîya şarê kurdî kenê, domananê tirkan şawenê mergî û bi nê hawayî wazenê sîstemê xo yê telan û kolonyalîzmî dewam bikero.

Eke 'her çi seba Tirkîya yo' zûr nîyo çira mîyanê şima de domanê wezîr û wekîlanê AKPyî çin ê, domanê yew generalî çin o? Nê kesî dişmenê şarî yê û gonîya domananê şarê feqîrî ser ra kêf kenê.

Hol bizane ke Erdogan vampîrêk o ke seba ke îqtîdarê xo bixelisno, wazeno gonîya domananê şarê kurdî û tirkî ser ra îqtîdarî rê dewam bikero. Bizane ke no şer şerê to nîyo. No şer şerê zengînan, patronan û burjuvayan o ke seba panc qurişan pê to kenê. Çeka xo war verde û şerî biterikne!

Fermandaranê xo yê ke to şawenî mergî hol bişinasnê!

Tunelê şorişî tunelê mergê leşkeranê kolonyalîstan ê. Fermandarê to ney zanenê, seba karîyerê xo to şawenê mergî. Êyê ke kewenê tunelanê şorişî hînî weş û war nêvejîyenê teber. Yew meseleya ma bi to çin a. Meseleya ma bi patronan û fermandaranê to est a. Eke îlahîm yew do bêro wa fermandarê to bêro.

Leşkerê ewladê şarê feqîrî!

Ney hol bizane ke eke ti teslîmê gerîlayan bibe do nêmirî. Gerîlayî do to bidê ciwîyayene, seba cuya demokratîke-azade îmkan danê to. Teslîmê gerîlayan be!

Cinîyî û lajê nê koyan dişmenê to nîyê. Ê zî to sey dişmenî nêvînenê. Vera înan şer mekerê. Nê faşîzmî û na lêşinîye ra xo bixelisnê ke wa pêro kedkar û şarê Tirkîya zî bixelisê. Seba ney tek rayîr no yo; xizmetê rejîmê emperyalîstan mekerê, şorişgêran Kurdîstan û Tirkîya de mil bi mil be. No rayîro tewr rûmetên û bişeref o.

Ewro gerîlayê Kurdîstanî seba azadîya Kurdîstanî û demokrasîya Tirkîya alaya têkoşînî berz kenê û pêro cuya xo feda kenê. Vera înan şer mekere! Eke ti wazenî bibî hemwelatîyêko rûmetên-biîman-bişeref ê Tirkîya vera gerîlayan çeke megêre xo destî. Teslîm be û dinyaya azade bişinasne; bi nê hawayî bibe neferêko rûmetên û şay ê têkoşînê demokrasî û haştîye!''