Gerîlayanê HPGyî Herekol Kobanê û Şêrhat Welatî derheqê serrgêra 45. ya ronîyayîşê PKKyî de ANFyî rê qisey kerd.

Gerîla Herekol Kobanêyî vat: ''Pêro hêzê NATOyî seba ke PKKyî biqedîna destekê dewleta tirke benê la PKK do qetî nêqedo.  Dewleta tirke bi barbarî hêrişan kena. La nêeşkena netîceyêke bgêra. Gerîlayî bi xoverdayîşê xo pêro hêrişan şiknenê. Ma bi ruhê Rayber Apoyî têgêrenê. Ma qerardar ê ke nê têkoşînê azadîye de ser bikewê. Ma fedayîyê şarê xo yê û qesasê şehîdanê xo gênê. Ma do heta ke Rayber Apoyî azad bikerê xo ver bidê. Serkewtiş ê gerîlayan o.''

Gerîla Şêrhat Welato ke ereb o, vat: ''Serrgêra 45. ya ronîyayîşê partîye fîraz ba. Ma têgêrayîşêko sîyasî û exlaqî yê. Seba azadîya şaran ma şer kenê. Çimeyê ma zî felsefeya Rayber Apoyî yo. Heta azadîya Rayber Apoyî zî ma do nêvindernê. Ma nêvanê ya serkewtiş yan merg. Çunke felsefeya ma de mergî rê ca çin o. Ma venê ke yan serkewtiş yan serkewtiş. Têkoşîn û xoverdayîşê ma, fedayîtîya ma xeta Rayber Apoyî de do dewam bikera.''