Gerîla Bîrhat Osyan serra 2019î de Gabar de û Zinar Herekol zî serra 2015î de Cûdî de şehîd bîyî. Wird gerîlayanê ke dewa Osyanî ra yê şehadetê xo ra verî  venga şarî dabi ke vera polîtîkayanê notirîye yê dewleta tirke ya îşxalkere wurzo payan ser û wayîrê erjanê xo bivejîyê.

Gerîla Bîrhat Osyanî vatbi: ''Dewleta îşxalkere Osyan de polîtîkaya notirîye ana ca. Ganî şarê ma pê nê kayan mexepîyo. Dişmenî tim waşt pê na polîtîkaya Têgêrayîşê Azadîye tasfîye bikero. Ma seba ziwan, nasname, hatîye û kulturê xo tîya de yê. Ma nêwazenê ke kurdan bikişê. Ganî nê kesî têgêrayîşê xo raşt bikerê. Ez venga rîsipî, cinî û ciwananê ma danê ka wayîrê erjanê xo bivejîyê û hîşyar bibê.''

Gerîla Zinar Herekolî vatbi: ''Dişmen erd û welatê ma ser o kayanê gemarinan kay keno. Wazeno ke Têgêrayîşê ma teng bikero. Dewleta tirke pê polîtîkaya şerê taybetî Têgêrayîşê ma seke dûştê şarî yo bimojna. PKK seba şarî, nasname, kultur û ziwanê şarî têkoşîn keno. Ganî şarê ma kayanê dewleta tirke eşkera bikero û pê nêkayan mexepîyo. Wa kes hemkarîya dişmenan mekero.''