Gerîlayanê Yewînanê Rojhelatê Kurdîstanî (YRK) koyanê Kurdîstanî de pê merasîmêkî 4ê Nîsane rojbîyayîşê Rayberê Şarê Kurdî Abdullah Ocalanî û serrgêra 17. ya ronayîşê PJAKî fîraz kerdî.

Şayîye pê merasîmê leşkerî dest pêkerde. Merasîmê leşkerî de mana û girîngîya roje û xebatanê Ocalanî yê Rojhelatê Kurdîstanî ser o qiseykerdişî ameyî kerdene.

Qiseykerdişan ra dima gerîlayan pê coş û moralêkê pîlî 4ê Nîsane fîraz kerd. Gerîlayan berhemê xo yê hunerî mojnayî, deyîrî vatî û govende girewte.