Gerîlayanê HPG û YJA-Starî ANFyî rê derheqê Komployê Mîyanneteweyîyî yê vera Rayberê Şarê Kurdî Abdullah Ocalanî de qisey kerd.

Gerîlayê HPGyî Yilmaz Xerzanî vat: ''15ê sibate seba ma roja reş a; çunke a roje Komployo Mîyanneteweyî ame kerdene. Tarîx de rayberê sey Rayber Apoyî nêvejîya. Komplogerî seba ke fikranê Rayber Apoyî ra tersayî înan komplo plan kerd. Planê komployî ewro bi rayîrê tecrîdê Îmraliyî û cezayanê dîsîplînî hema zî dewam keno.''

Gerîlayê HPGyî Serdem Amanosî vat: ''Komployî şexsê Rayber Apoyî de armanc kerd ke pêro kurdan çin bikero. Ma xîret kenê ke sey gerîlayan kurdan qirkerdişî ra bixelisnê û bingeyê felsefeya Rayber Apoyî de seba azadîya ey têkoşîn bikerê. Eke ma ewro nê çeperan de şer kenê no xêrê felsefeya Rayber Apoyî ra yo. Sozê ma yo ke qetî qesasê embazanê xo yê şehîdan bigêrê û Rayber Apoyî azad bikerê.''

Gerîlaya YJA-Starî Ronahîye Arjîn vat: ''Hêrs û kînê ma vera Komployê 15ê sibate pîl o. Azadîya ma bi azadîya Rayber Apoyî mumkîn a. Ma sey gerîlayanê Kurdîstanî perwerê fikranê Rayberîye yê. Ma do şexsê Rayber Apoyî de bi tekoşînê xo pêro şar û cinîyan azad bikerê.''

Gerîlayê HPGyî Orhan Hesretî vat: ''Heta ke komplo biqedo têkoşînê ma do dewam bikero. Gerîlayî qetî do nêverdê ke komplogerî biresê armancê xo. Ez sey ciwanêkê erebî seba azadîya Rayber Apoyî tewrê gerîlayan bîya. No şer û xoverdayîş ê Rayber Apoyî yo û do serkewtiş bîyaro pêro Kurdîstanî.''