Gerîlayanê HPG û YJA-Starî ANFyî rê qisey kerd û rojbîyayîşê Rayberê Şarê Kurdî Abdullah Ocalanî fîraz kerd.

Gerîlaya YJA-Starî Vîyane Merîwan: ''4ê Nîsane roja newebîyayîşî, seba azadî roja têkoşînkerdişî ya. Roja vengdayîşê merdimîye yê cuye yo. Ma do na serre azadîya Rayber Apoyî bivisnê destî, sey gerîlayan seba ney ma têkoşînê xo biresnê asta tewr berze.''

Gerîlayê HPGyî Şahan Amed: ''4ê Nîsane roja gandarbîyayîş û xobîyayîş o. Ma sey gerîlayan pê qerardarî na serre azadîya fîzîkî ya Rayber Apoyî bivisnê destî û welatêkê azadî awan bikerê. Rojbîyayîşê Rayberîye fîraz bo.''

Gerîlayê YJA-Starî Nûjiyane Berxwedan: ''Ma sey yewînanê gerîlayan pê coşêkê pîlî rojbîyayîşê Rayber Apoyî fîraz kenê û ma koyanê berzan ser o leyan ronê. Nê leyî koyanê berzan de zîl bidê û cuyêka newîye rê rayberîye bikerê.''

Gerîlayê HPGyî Demhat Efrîn: ''Ewro sîstemê îşkence û tecrîdî yê vera Rayberîya ma ame hîrakerdene. Ma sey şerwan ûy şagirtanê Rayber Apoyî sozê xo newe kenê û seba destvistişê azadîye çarçewa Hemleya 'Wextê Azadîye' de ma do wezîfeyanê xo bikerê.''

Gerîlayan pê ronayîşê leyan û girewtişê govende şayîye qedînaye.