Gerîlayê HPG û YJA-Starî: Xoverdayîşê Heftanînî beno pîlêr

Gerîlayanê HPG û YJA-Starî hêrişê îşxalî yê dewleta tirke yê vera Herêmanê Pawitişî yê Medya ercnayî û vat: ''Ma do pê ruhê embaz Kasimî îşxalê Heftanînî pûç bikerê û pê fedayîtîya embaze Zîlane îşxal çin bikerê.''

Gerîlayê HPG û YJA-Starî hêrişê îşxalî yê dewleta tirke yê vera Herêmanê Pawitişî yê Medya ercnayî.

Gerîlayê HPGyî Bawer Erûhî vat: ''Dewleta tirke wazena Başûrê Kurdîstanî îşxal bikera û seba nê armancî her roje hêriş kena. Şarê ma xoverdayîşê xo dewam keno.Hêrişanê hewayî de xeylêk embazê ma şehîd benê. Tewr peyên embaz Kasim şehîd bi. Ma do qesasê ey bigêrê. Ma do xo ver bidê. Heftanîn de gerîlayî xoverdayîşêkê bêhempayî kenê. Dewleta tirke çapemenîya xo de raştîyan nêvana. Vana gerîlayî nêeşkenê têbigêrê. La bêmabên çalakîyê ma dewam kenê. Heftanîn de tewr tay 30 leşkerî kişîyayî. Ma do pê ruhê Egîd û kasiman xo ver bidê.

Gerîlaya YJA-Starî Slava Rojava vat: ''Gerîlayê Azadîya Kurdîstanî Heftanîn de xo ver danê. Pê qesasê Amara, Egîd,Kasim û Mazlûman xoverdayîşê Heftanînî her ke şono beno pîlêr. Artêşa tirke rixmê hende teknîkan nê şerî de bin kewte. Milê Qesrok û Partîzan de artêşe derbê giranî werdî. Ganî şarê Başûrê Kurdîstanî zî wurzo payan ser û îşxal qebul nêkero. Amedîyê û Şeladizê de merdimê sivîlî ameyî qetilkerdene. Ma do pê têkoşînê xo qesasê embazanê xo û şarê xo bigêrê û ser bikewê. Ma pê ruhê embaz Kasimî îşxalê Heftanîn pûç bikerê û pê fedayîtîya embaze Zîlane îşxalan çin bikerê.''