Gerîlayê HPG’yî Mûhammet Tara yo ke 18’ê Temmuze  dewa Şakakî ya Dêrsimî de hêrişê hewayî de şehîd bibi, cenazeya ci badê gonîdayîşê keyeyê ci ra 37 rojî dima ra ameye dayene.

Keyeyê Tarayî vizêr cenazeya  lajê xo Sazîya Tibê Edlîyî yê Meletî ra girewte û binê teqîbê polîsan de berde taxa Şehîdlîkî ya qezaya Yenîşehîrî ya Amedî. Dimayê caardişê wecîbeyanê dînîyan cenazeya Tarayî binê ablûqaya polîsan de goristanê  taxe de ameye definkerdene. Polîsan dewkewtişê goristanî de nasnameyî kontrol kerdî û destûr nêda teberê keyeyê Tarayî de kes tewrê canaze bibo.