Cenazaya gerîlayanê HPGyî Musa Anter Çatak (Sîdar Rîzok) û Serhat Ericekî (Rizgar Koçer) yê  ke  7ê gulane de Koyê Cûdîyî  yê Nisêbînê Mêrdînî de şehîd bibî, badê 4 mengan teslîmê keyeyanê înan bîyî. Cenazayî binê ablûqaya polîsan de ameyî definkerdene

Bado ke nimûneyê DNA yê ke keyeyan rewna dayîbî ameyî zelalkerdene keyeyan reyna muracatê Serdozgerîya Komare ya Mêrdînî kerd. Cenazayî vizêr saetanê şanî de  Goristanê Bêkesan ê Kamorî yê qezaya Artukluyî ra ameyî girewtene.

Keyeyê Çatakî pê ambulanso ke bi îmkananê xo tepişt cenazaya xo berde qezaya Hezexî yê Şirnexî û Goristanê Şex Hesenî de binê ablûqaya polîsan de defin kerde.

Cenazaya Ericekî zî qezaya Goristanê Mohrisî yê qezaya Nisêbînî ya Mêrdînî  de binê ablûqaya polîsan de ameye definkerdene. Keyeyê Erincekî zî bi îmkananê xo ambulans tepişt. Wird cayan de zî polîsan destûr nêda ke şar tewrê merasîmê cenazayan bibo.