Gerîlayê HPGyî Mazlum Amedî derheqê hêrişanê vera Herêmanê Pawitişî yê Medya û xoverdayîşê gerîlayan de ANFyî rê qisey kerd.

Mazlum Amedî pare kerd ke ê do bi îdîayêka pîle ser bikewê û vat: ''No şer şerêko tarîxî yo; şerê mendiş û mergî yê şarê kurdî yo.  Ganî ma mîyanê nê şerî de xo hol amade bikerê, psîkolojîya xo hol amade bikerê ke dişmenî bin bikerê. Gerîlayî teknîk û helîkopteranê dişmenî ra nêtersenê. Seke Rayber Apoyî vatbi teknîko tewr pîl merdim o. Ma do teknîkê dişmenî zî çin bikerê. Eke dişmen vera ma hemle bikero, ma zî do bikerê. Eke dişmen şikefetyanê ma dano bmbayan ver, ma zî do tunelanê şerî aver berê.

Şerê tunelan şerê serfîrazî yo. Ma do seba şarê xo yê bindestî, Rayberîya xo se beno wa bibo serfîrazîye bîyarê. Ma de tecrubeyê şerî yê 43 serrî est ê. Ma do pêro mesuldarîyanê xo bîyarê ca û Herêmanê Pawitişî yê Medya de dişmenî bin bikerê. Dişmen do gerîlayan ra derbe biwero la nêzano derbe ça ra ameya. Ma do werteyê mezgê ci ra bidê dişmenî ro. Wa dişmen bizano ke ma amade yê û gerîlayî do nêqedê.''