Gerîlayê HPGyî Bengîn Barmanîyî hêrişê îşxalî yê vera Herêmanê Pawitişî yê Medya,  xoverdayîşê gerîlayan û çalakîyê grevê vêşanîye ercnayî.

Barmanîyî pare kerd ke gerîlayî bi hawayêkê destanwarî vera hêrişanê dewleta tirke xo ver danê û vat: ''Dişmen Garê de bi giranî bin kewt. Ma pê ruhê xoverdayîşî yê embaz Şorişî vera dişmenî têkoşîn jerd. Operasyonê Garê ra dima dişmenî waşt Metîna û Zagrosan de ca bibo.

Embazê tepişteyî zîndanan de pê çalakîya grevê vêşanîye bi xurtî tewrê Hemleya 'Wextê Azadîye' benê. Xoverdayîşê gerîlayan û zîndanan yewbînan temam kenê. Embazî her roje Metîna, Zagros, Zap û Avaşîn de vera dişmenî çalakîyan kenê. Dişmen wazeno şexsê PKKyî de kurdan çin bikero. Ma wazenê dişmenî Kurdîstanî ra vejê.

Dişmen bi her hawayî hêrişê çar parçeyanê Kurdîstanî keno. Şert û mercî çi benê wa bibê wa şarê ma destê ci ra çi yeno bikero. Tûtê nê şarî bi serran o koyan de seba Kurdîstanî şer kenê. Têna yew ganê ma esto wa o zî Kurdîstanî rê feda bo. Wa şarê ma paştî bido xoverdayîşê Garê û Zagrosan. Ez venga ciwananê kurdan danê ke wa tewrê nê prosesî bibê û wezîfeyê xo bîyarê ca. Ma pê şar û ciwananê kurdan bawer ê. Ma hêzê xo şehîdan û şarê xo ra gênê.

Pê operasyonê Zap, Metîna û Avaşînî armancê dişmenî qirkerdişê kurdan o. Wa başûrijî bizanê ke eke dişmen nêeşkeno zerar bido înan sebebê ci gerîla yê. Dişmen wazeno merg, teslîmîyet û tirkayetîye ra berî kurdan rê çîyêk nêverdo. Ma seba cuya azade û têdûşte şer kenê. Îqtîdaro faşîst ê AKP-MHPyî dîyalog û haştîye ra fam nêkenê. Têna keleş û fîşekê gerîlayan ra fam keno.''