Gerîlayê Azadîye yê Kurdîstanî serrgêra 40ine ya  Hemleya 15ê Tebaxe bi çalakîyan pêşwazî kenê. Gerîlayê HPGyî Orhan Lotosî ajansê ma rê Hemleya 15ê Tebaxe erjnaye.

Orhan Lotosî şexsê fermandar Egîdî de şehîdê Kurdîstanî yad kerdî û Roşanê Ganîbîyayîşî yê hemrayanê xo şarê kurdî pîroz kerd û vat: ''Fermadarê girdî yê PKKyî Egîdî (Mahsum Korkmaz) Xoverdayîşê Zîndanan ê 14ê  Temmuze sey talîmatî girewt û Hemleya 15ê Tebaxe aver berd. No têkoşîn ewro Îmrali de xo têkoşînê Rayberîye de zî ramojneno. Zap, Metîna, Xakurkê û Garê de vera dewleta tirke ya îşxalkere bi rûhê Hemleya 15ê Tebaxe têkoşîn yeno kerdene. Ma do afirnayoxanê nê têkoşînî tim bi hurmet yad bikerê.

Embaz Egîdî Hemleya 15ê Tebaxe de guleyo verên eşt û berpirsîyarîya tarîxî girewe xo ser. Şertanê zehmetan de hemle kerd ke qet îmkanî çînêbî. Ma zî rêçê fermandarê xo yê pîlî Egîdî de têkoşîn kenê.  Bi Hemleya 15ê Tebaxe tarîxê têkoşînê kurdan newera ame nuştene. Têkoşînê 15ê Temaxe ewro koyanê Kurdîstanî de dewam keno, derbeyê girdî dîyenî dişmenî ro. Dewleta tirke xo sey serkewte  ramojno zî raştî wina nîya. Dewleta tirke vera xoverdayîşê gerîlayan nêeşkena aver şiro. Îşxalkerî do çirey meresê waştişê xo.''