Gerîlayanê HPGyî yê ke Herêmanê Pawitişî yê Medya de yê, ANFyî rê qala hêrişanê îşxalî û têkoşînê gerîlayan kerd.

Gerîlayê HPGyî Bîrhat Êzidxanî vat: ''Dişmenî bi teknolojîya moderne û bombayan hêriş kerd. Dişmenî armanc kerd ke ciwananê nê şarî qir bikero. La gerîlayî bi serran o koyan de yo û vera îşxalkeran xo ver danê. Seba ke dişmenî çin bikerê  ma do bi hêzêrî şer bikerê. Ma do qetî Zap de dişmenî çin bikerê û no do bibo peynîya dewleta tirke. Ma sey domananê nê welatî wazenê tîya de bi azadî biciwîyê. La dişmen keno ke verê ney bigêro. Ganî dişmen bizano ke heta ke ma ra yew kes zî bimano ma do erdê xo meverdê.''

Gerîla Welat Agirî vat: ''Sere de şarê Başûrî wa şarê ma vera nê hêrişan wurzo payan ser. Ma sey gerîlayan do metodanê xo bi qerardarî bîyarê ca û ser bikewê. Nika Zap, Avaşîn, Metîna ra heta Heftanînî şer est o. Seba ke şer têna Zap de nêbo, ganî her cayê Kurdîstanî de sere bêro wedaritene. Coka ganî ma têkoşînê xo berzêr bikerê. Dişmen wazeno Kurdîstanî îşxal bikero. Heta gerîlayî est bê îşxalkerî do nêeşkê nê welatî de bi asanî têbigêrê.''