Gerîlayanê YJA-Starî Ararate Nûda û Koçerîne Demhat bi wesîleya serrgêra 38. ya Hemleya 15ê Tebaxe ANFyî rê qisey kerd.

Ararate Nûda pare kerd ke ê bi ruhê serkewtişê 15ê Tebaxe warê Bradostî de têkoşîn kenê û vat: ''Hemleya 15ê Tebaxe xeta gerîlayan awan kerda. Na xete zî seba xoverdayîşê ma girîng a. 15ê Tebaxe artêşbîyayîşê têgêrayîşê PKKyî dîyar kerd. Xeta serkewtişî ya nê çaxî hetê Rayber Apoyî, Şehîd Egîd û xeylêk fermandaran ra ronîyaye. Şero ke nika yeno kerdene ruhê 15ê Tebaxe yo. Zap, Metîna, Avaşîn û Xakurkê de bi xeta serkewtişî ya Şehîd Egîdî têkoşîn yeno kerdene. Çalakîyanê nikayênan de zî netîceyê xeta serkewtişî verê çiman de yê. Ruhê serkewtişî ruhê têkoşînê Rayber Apoyî yê Îmraliyî û Egîdan o. Seke Şehîd Çîyagerî vat 'netîce do bêhempa biba.' Netîceya nê şerî zî do bêhempa biba. Bi ruhê 15ê Tebaxe ma do wayîrê mîrasê Egîdan û Bêrîtanan vejîyê û serkewtişî bivisnê destî.''

Koçberîne Demhat îfade kerd ke îradeyê Fermandar Egîdî îradeyê şarê kurdî yo û vat: ''Ewro ruho ke Zap, Avaşîn û Metîna de şer keno ruhê 15ê Tebaxe yo. Teknîkê dişmenî çiqas xurt bibo zî  nêeşkeno verê têkoşînê ma bigêro. Heta ke ruhê serkewtişî est bo xoverdayîş do pîl bibo. Her roje tunelan de vera kobra, skorsky, teyarayanê şerî û çeka kîmyewîye gerîlayî bi hawayêkê bêemanî xo ver danê. Îradeyêko bêhempa yeno mojnayene. No îrade caardişê xeta partîye yo; ruhê embaz Egîdî yo. Ma nê ruhî û nê îradeyî Rayberîye û şehîdanê xo yê serkêşan ra gênê. Ma do seba Kurdîstanê azadî heta peynî têkoşîn bikerê û nêverdê ke dewleta îşxalkere erdê ma de bimana.''