Gerîlayê YJA Starî Aynure Ulugana (Ronahî Tamara) û Suna Taş (Nujîne Amed) ê ke qezaya Licê ya Amedî 29ê nîsane de hêrişê hewayî yê artêşa tirke de şehîd bîyî badê 93 rojan cenazayê înan dîyayî keyeyanê înan.

Keyeyê Taşî Mersinî ra û keyeyê Ulugana zî Wanî ra ameyî Amed û cenazayê xo morgê Nêweşxaneyê Cigêrayîş û Perwerdeyî yê Gazî Yaşargîlî ra girewtî.

Cenazaya Ulugana vizêr saetanê şanî de memleketê ci Wan de ameye definkerdene.

Cenazaya Taşe zî saetanê şewe de Goristanê Yenîkoyî yê Baglarî de binê ablûqaya polîsan de ameye definkerdene. Polîsan destûr nêda bê keyeyî kes tewrê cenaza bibo.

Gerîlayê YJA Starî Latîfe Hanibi, Dîlane Silinsin û di cenazayê ke nameyê înan nêame musayene  ê ke eynî hêriş de şehîd bîyî, derheqê înan de zanayîş nêame girewtene.