Gerîlayanê YJA-Starî û HPGyî bi wesîleya roşanê Newroze mesajî dayî.

Gerîlaya YJA-Starî Canda Welat vat: ''Ma Newroza Rayber Apoyî, şehîdanê xo, embazanê xo yê têkoşînî, şarê xo û  xoverdayoxanê zîndanan fîraz kenê. Senî ke Kawayê asînkarî 21ê adare de adir vist ta û kurdî zulmê Dehaqan ra xelisnayî Mazlûm, Bêrîvane û Semayan adir gir kerd.  Ma Newroza emserîne pê ruhê serkewtişê Garê û pê caardişê azadîya Rayber Apoyî pêşwazî kenê. Ma sey YJA-Starî benê ê adiro ke serkewtişê Garê de gir bîyo û faşîzm pê nê adirî vêşayo.''

Gerîlayê HPGyî Êriş Andok Pîrosîyî vat: ''Ruhê Kawayî Mazlûm Dogan, Rehşane Demîrel û Zekîye Alkanan de gandar bi. No ruh reya verêne Garê de vejîya werte. Ma venga pêro kurdîstanijan danê ke beşdarê Newroza 2021î bibê û bimojnê ke kurdî qetî vera faşîzmî milê xo çewt nêkenê. 21ê Adare de wa ciwanî verê xo bidê Garê.''

Gerîlayê HPGyî Hêmin Pîrosîyî vat: ''Newroze roja serewedaritiş, xoverdayîş û têkoşînî ya; vera Dehaqan roja yewîya şaran a. Ma vînenê ke zulmê Dehaqan ê nikayînan resayo berz. Ma do vera zulmê nê Dehaqan vejîyê û xo ver bidê. Newroza pêro şarê ma fîraz ba. Emser serra binkewtişê Dehaqan a, serra serkewtişê kurdan a.''