Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye.

HPGyî vat: ''Gerîlayê Azadîye yê Kurdîstanî bi hurê 15ê Tebaxe Roşanê Ganîbîyayîşî pêşwazî kenê. Artêşa tirke ya îşxalkere seba ke derbayê ke Warê Xoverdayîşî yê Girê Cûdîyî de werdî, serê înan bigêro û şarî bixapîno bi xebera zûre îdîa kerd ke Girê Cûdîyî de embazê ma şehîd bîyî. Heme hemrayê weş û war serê karê xo de yê.''

Eşkerayîye de de nê ameyî parekerdene:

''Herêma Zap;

10ê tebaxe de seatanê serê sibayî de Warê Xoverdayîşî yê Girê Cûdîyî de îşxalkerî bi çekanê otomatîkan ameyî pirodayene, îşxalkerêk ame cezakerdene. Na çalakîye hetê hêzanê ma yê YJA Starî ra ameye kerdene.

10ê tebaxe de seatanê nêmroje de Warê Xoverdayîşî yê Girê Cûdîyî de îşxalkerî bi çekanê otomatîkan ameyî ameyî derbkerden.

10ê tebaxe de seatanê şanî de Warê Xoverdayîşî yê Girê Cûdîyî de helîkopteranê ke waşt leşkeran rono, înan rê çar rey mudaxale ame kerdene.

11ê tebaxe de seatanê serê sibayî de Warê Xoverdayîşî yê Girê Cûdîyî de îşxalkerî bi çekanê giranan ameyî pirodayene, îşxalkerêk ame cezakerdene. Na çalakîye hetê hêzanê ma yê YJA Starî ra ameye kerdene.

Herêma Xakurkê;

4ê tebaxe de saetanê veraşanî de Girê Şehîd Derwêşî de mewzîyê îşxalkeran pê çekanê giranan ameyî pirodayene. Çalakîye de 2 îşxalkerî ameyî cezakerdene û 1 mewzî ame îmhkakerdene. Na çalakîye hetê hêzanê ma yê YJA Starî ra ameye kerdene.

Herêma Geverî;

6ê tebaxe de hêzê ma ke herêma Geverî de yê, yew kameraya dewleta tirke îmha kerd. Na çalakîye ra dima artêşa tirke nizdîyê dewa Memkava de operasyon da destpêkerdene. Operasyono ke di rojî ame rayaberdene bênetîce peyser ame antene.

Bombarduman

10ê tebaxe Warê Xoverdayîşî yê Girê Baharî û Girê Cûdîyî yê Zapî, warê Girê Zengil û Gundê Zêvkê yê Garêû herêmê Metîna pê teyarayanê şerî, helîkopteranê hêrişî û topan dîyayî bombayan ver.''