Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''Gerîlayê Azadîye yê Kurdîstanî bi ruhê Xoverdayîşê 14ê Temmuze koyanê Kurdîstanî de darbeyanê giranan danê artêşa tirke ya îşxalkere ro. Çalakîyanê peyênan de  3 îşxalkerî ameyî cezakerdene, yew mewzî  û yew mobese ameyî îmhakerdene, yew sîstemê kemeraya mobese û di cîhazê UPSyî ameyî destsernayene û yew helîkopter û kepçe ameyî derbkerdene. Artêşa tirke bi desan rey warê xoverdayîşî pê çekanê kîmyewîyan, teqaber, helîkopter, teyara û obusan dayî bombayan ver. Detayê çalakîyanê ke  12ê temmuze de ameyî kerdene wina yê;

Xakurkê

Îşxalkerê ke dormeyê Girê Şehîd Şahanî yê Xakurkê de ameyî cakerdene hetê hêzanê ma ra ameyî pirodayene. Îşxalkerî nê qilî ra remayî.  Tîya yew mewzî sîstemê kameraya mobese yo ke tede bî ameyî îmhakerdene û yew sîstemê kemeraya mobese û di cîhazê UPSyî ameyî destsernayene

Zap

Warê Xoverdayîşî yê Şikefta Birîndara de îşxalkeranê ke mewzîyî viraştêne hetê hêzanê ma ra pê çekanê giranan ameyî pirodayene. Çalakîye de yew kepçe ame derbkerdene û viraştişê mewzî ame vindarnayene.

 Metîna

Warê Xoverdayîşî yê Girê Amedîyê de îşxalkeranê ke mewzîyê şerî dayî bombayan ver hetê hêzanê ma ra ameyî hedefgirewtene. Çalakîya sabotajî de 2 îşxalkerî ameyî cezakerdene. Reyna çalakîya bîne de îşxalkerêk ame cezakerdene.  Warê Xoverdayîşî yê Girê Cûdîyî de zî hêzanê ma vera îşxalkeranê ke mewzîyê şerî dayênê bombayan ver çalakîya sûîkastî kerde, îşxalkerî mecbur mendê ke gamêke peyser şirê. Warê Xoverdayîşî yê Girê FMyî de zî helîkopterê hêrişî yo ke hetê hêzanê ma ra ame derbkerdene warî ra kewt dûrî.

 Bombarduman

Artêşa tirke ya îşxalkere 12, 13ê temmuze de Warê Xoverdayîşî yê Şikefta Birîndara, Girê Hakarî, Girê Amedîyê,Girê Karkerî pê çekanê kîmyewîyan û teqaberan dayî bombayan ver. Warê Xoverdayîşî yê Girê Hakarî û Kurojahroyî de têgêrayîşê droneyan qewimya.  Reyna warê dewa Sêdarê, Sinînê, Saca, Çemço,Girê Cûdî, Girê FM, Girê Amedîyê, Girê Hakarî, Kurojahro û Werxelê û erazîya dewanê Hirorê û Kêste pê helîkopter, teyara û obusan dîyayî bombayan ver. Netîceya hêrişan bax û bexçeyanê şarê ma yê Başûrê Kurdîstanî de  ziraro madî ame meydan.''